ZINGA MUTINDU BAKRISTU FWETE ZINGA

Inki Malongi Nge Lenda Baka na Bakristu ya Kuyela?

Na mabundu, beto kele ti bampangi yina me sadilaka Yehowa bamvula mingi. Beto lenda baka malongi na mutindu bo ke landa kutudila Yehowa ntima. Beto lenda yula bo mambu ya me tala organizasio ya Yehowa mpi mutindu Yehowa sadisaka bo na kununga bampasi yina bo kutanaka ti yo. Beto lenda bingisa mpangi mosi ya kuyela na lusambu ya dibuta mosi na nkokila mpi kulomba yandi na kutela beto mambu yina yandi me kutanaka ti yo.

Kana nge kele Mukristu ya kuyela, zabisa bampangi ya nkaka yina kele ve ya kuyela bampasi yina nge kutanaka ti yo mpi mutindu Yehowa sadisaka nge na kununga yo. Yakobi mpi Yozefi zabisaka bantu ya dibuta na bo mambu yina Yehowa sadilaka bo. (Kuy 48:21, 22; 50:24, 25) Na nima, Yehowa zabisaka bamfumu ya mabuta na kulonga bana na bo mambu ya me tala bisalu na yandi ya nene. (Kul 4:9, 10; Nk 78:4-7) Bubu yai, bibuti mpi bampangi ya nkaka na dibundu lenda zabisa baleke mambu ya kuyituka yina Yehowa me salaka na nzila ya organizasio na yandi.

SONGA VIDEO BETO TANINA BUMOSI NTANGU BO ME BUYISA KISALU NA BETO MPI NA NIMA BENO PESA BAMVUTU NA BANGIUFULA YAI:

Inki mutindu betele ya Autriche sadisaka bampangi ya bansi ya nkaka yina bo buyisaka kisalu na beto?
Inki mutindu bampangi ya bansi yina landaka kukumisa lukwikilu na bo ngolo?
Sambu na nki bansamuni mingi ya Roumanie kabwanaka ti organizasio ya Yehowa mpi nki mutindu bo vutukaka?
Inki mutindu mambu yina bampangi kutanaka ti yo kumisaka lukwikilu na bo ngolo?

Bifwanisu ya ke monisa: Mambu ya kele na video ‘Beto Tanina Bumosi Ntangu Bo Me Buyisa Kisalu na Beto.’ 1. Karti ya bansi yina bo buyisaka kisalu na beto na Eropa ya Esti. 2. Masini ya kuniema mikanda. 3. Bampangi ya Roumanie ke yambana. — Longuka mambu ya kitoko na bampangi ya kuyela sambu na kukumisa ngolo lukwikilu na nge na Yehowa!