BIMVWAMA YA NDINGA YA NZAMBI | KUBASIKA 39-40

Moize Landaka Mbote-Mbote Bantuma

Moize landaka mbote-mbote bantuma yina Yehowa pesaka yandi sambu na kutunga nzo-tenta. Mutindu mosi mpi beto fwete lemfuka na bantuma yina organizasio ya Yehowa ke pesa beto na nswalu yonso mpi na ntima ya mvimba. Beto fwete sala yo ata beto ke mona nde bantuma yango kele ve mfunu to beto ke bakisa ve sambu na nki bo me pesa yo.—Luk 16:10.

Sambu na nki beto fwete landa mbote-mbote bantuma . . .

na balukutakanu ya kisalu ya kusamuna?
na ntwala nde beto kutana ti maladi ya kintulumukina?
ya ke tubila kisumbula ya lugangu?

Bifwanisu ya ke monisa: Bampangi ke sadila bantuma yina bo bakaka. 1. Kimvuka mosi ya bampangi me vukana na veranda sambu na kusala lukutakanu ya kisalu ya bilanga. 2. Mpangi-nkento mosi ke sonika balukanu na mutindu ya kusansa yandi na mukanda Pas de Sang 3. Dibuta mosi ke tula bima ya mfunu na saki.