Bambandu ya Ke Longa

Matayo 13:34, 35

NA BUNKUFI: Sambu na kutomisa malongi na nge, sadila bambandu ya pete yina ta sepedisa bawi mpi ta longa bo malongi ya mfunu.

MUTINDU YA KUSALA YO:

• Sadila bambandu ya pete. Bonso Yezu, sadila bima ya fioti sambu na kutendula malongi ya nene mpi bima ya pete sambu na kutendula malongi ya mpasi. Kuyika ve mambu ya kukonda mfunu yina lenda bebisa mbandu na nge. Mbandu ya nge ke sadila fwete wakana kibeni ti dilongi na nge sambu yo vwalangasa ve mabanza ya bawi na nge.

• Yindula bawi na nge. Pona bambandu yina ke tubila bisalu yina bawi ke salaka mpi mambote yina bo ta baka. Kusadila ve bambandu yina ta pesa bo nsoni to mpasi.

• Longa mambu ya mfunu. Tula dikebi na mambu ya mfunu kansi ve na mambu ya fioti-fioti. Sala yonso sambu bawi kuyibuka mbandu mpi malongi ya mfunu yina mbandu yango tubilaka.