KUYANTIKA DISOLO
DILONGI 4
Kudikulumusa
Munsiku: “Ti kudikulumusa yonso beno tadila bankaka nde bo me luta beno.”—Bafil. 2:3.
Mambu ya Polo Salaka
1. Tala VIDEO, to tanga Bisalu 26:2, 3. Na nima, tadila bangiufula yai:
Inki mutindu Polo monisaka kudikulumusa na mutindu yandi tubilaka Ntotila Agripa?
Inki mutindu Polo bendaka dikebi na Yehowa mpi na Masonuku na kisika ya kubenda dikebi na yandi mosi?—Tala Bis. 26:22.
Mbandu ya Polo Ke Longa Beto Inki?
2. Bantu ke sepelaka mingi ti nsangu na beto kana beto ke longa bo yo ti kudikulumusa mpi luzitu yonso.
Landa Mbandu ya Polo
3. Kumonisa ve nde nge me luta yandi. Kusosa ve kumonisa nde nge me zaba mambu yonso mpi nde muwi na nge me zaba ve ata kima. Solula ti yandi na luzitu yonso.
4. Monisa pwelele nde mambu ya nge ke longa me katuka na Biblia. Ndinga ya Nzambi kele ti bangindu ya ke simbaka ntima ya bantu. Kana beto ke sadila yo, beto ta sadisa bo na kutunga lukwikilu na bo na fondasio ya mbote.
5. Landa kuvanda mawete. Kusosa ve kumonisa nde nge me nunga yandi. Beto fwete swana ve ti bantu. Nge ta monisa nde nge ke kudikulumusa kana nge ke bikala pima mpi ke zaba ntangu ya kukatuka. (Bing. 17:14; Tito 3:2) Kana nge ke solula ti muntu na mawete, mbala ya nkaka yandi ta ndima kuwa nsangu na beto na dibaku ya nkaka.