Sambu na Nki Bambangi ya Yehowa Ke Samunaka Nzo na Nzo?

Yezu zabisaka balongoki na yandi na ‘kukumisa bantu ya makanda yonso balongoki.’ (Matayo 28:19, 20) Ntangu Yezu tindaka balongoki na yandi ya ntete, yandi pesaka bo ntuma ya kukwenda na banzo ya bantu. (Matayo 10:7, 11-13) Na nima ya lufwa ya Yezu, Bakristu ya mvu-nkama ya ntete landaka kumwanga nsangu na bo “na meso ya bantu mpi nzo na nzo.” (Bisalu 5:42; 20:20) Beto ke landaka mbandu ya Bakristu yai ya ntete mpi beto me bakisaka nde kulonga nzo na nzo kele mutindu mosi ya mbote ya kukutana ti bantu.