Nkunga 102
Beno Kwisa Kuyimba Nkunga ya Kimfumu!
1. Yayi nkunga’a kyese mpi ya kununga;
Yo kepesa Yehowa lukumu.
Bangogo na yo kepesa kikesa.
Beno yimba nkunga ya Kimfumu:
(REFRAIN)
‘Beno kwisa Kusambila,
Mfumu Nzambi; Beno kwisa,
Kulonguka nkunga’ayi ya Kimfumu;
Be fukama, be kumisa Nzambi.’
2. Beto yimba nkunga’a mpa ya Kimfumu.
Kristu Yezu keyala nsi-ntoto.
Kikanda mosi ya mpa mebutuka;
Bantu na yo tayala ti Kristo:
(REFRAIN)
‘Beno kwisa Kusambila,
Mfumu Nzambi; Beno kwisa,
Kulonguka nkunga’ayi ya Kimfumu;
Be fukama, be kumisa Nzambi.’
3. Bantu lenda bakisa nkunga yayi;
Yawu kele kitoko mpi pete.
Bantu mingi melongukaka yawu,
Bo kesonga bantu yankaka nde:
(REFRAIN)
‘Beno kwisa Kusambila,
Mfumu Nzambi; Beno kwisa,
Kulonguka nkunga’ayi ya Kimfumu;
Be fukama, be kumisa Nzambi.’
(Tala mpi Nk. 95:6; 1 Pie. 2:9, 10; Kus. 12:10.)