“Yo Vandaka Kisika na Mono ya Santu Yina Nge Kumisaka Mvindu”​—Bo Bebisaka Lusambu ya Bunkete

Yehowa vandaka kuzola mpi kukeba bantu ya Izraele bonso ‘kima na yandi ya ntalu.’ (Kub. 19:5, noti na nsi ya lutiti) Ata mpidina, bo sambilaka banzambi ya luvunu na kati ya tempelo kibeni yina vandaka ti zina ya Yehowa! Bo pesaka Yehowa mpasi na ntima mpi makasi. Sambu na nki Izraele salaka mambu ya mbi mutindu yai? Mbikudulu ya Ezekiele yina ke tubila kufwa ya Yeruzalemi ke longa beto nki? Diaka, kinduku yina Izraele taka ti makanda yina vandaka na nziunga na yo ke longa beto nki?