Thaburi

Rwĩmbo rwa Arĩa Marambata.*

120 Ndakaĩire Jehova rĩrĩa ndarĩ na mĩtangĩko,+

Nake akĩnjigua.+

2 Atĩrĩrĩ Jehova, honokia kuuma harĩ mĩromo ĩrĩa ĩheenanagia

Na kuuma harĩ rũrĩmĩ rũrĩa rwaragia maheeni.

3 Hihi Ngai agaagwĩka atĩa, na agaakũherithia atĩa,*

Wee rũrĩmĩ rũrũ rwaragia maheeni?+

4 Agaakũherithia na mĩguĩ mĩnoore+ ya njamba ya ita

Na makara marakana+ ma mũtĩ wa mwethia.

5 Kaĩ ndĩ na haaro-ĩ, tondũ ndũũrĩte ta mũgeni bũrũri-inĩ wa Mesheki!+

Ngoretwo ngĩikara hema-inĩ cia Kedari.+

6 Nĩ njikarĩte ihinda iraihu mũno

Hamwe na arĩa mathũire thayũ.+

7 Niĩ nyendete thayũ, no rĩrĩa ndaria,

O makoragwo makĩenda mbaara.