• Thaburi 15:1-5
    New World Translation in Kikuyu

    • 15 Atĩrĩrĩ Jehova, nũũ ũngĩtuĩka mũgeni hema-inĩ yaku?

      Nũũ ũngĩtũũra kĩrĩma-inĩ gĩaku kĩamũre?+

       2 Nĩ ũrĩa ũthiaga atarĩ na ũcuke,*+

      Wĩkaga maũndũ marĩa magĩrĩire+

      Na akaria ũhoro wa ma ngoro-inĩ yake.+

       3 Ndacambanagia na rũrĩmĩ rwake,+

      Ndekaga mũndũ ũrĩa ũngĩ ũndũ mũũru,+

      Na ndacambagia* arata ake.+

       4 Nĩ aregaga mũndũ o wothe ũnyararĩtwo,+

      No nĩ atĩaga arĩa metigĩrĩte Jehova.

      Ndagaga kũhingia ũndũ ũrĩa eranĩire,* o na angĩkorũo gwĩka ũguo nĩ gũgũtũma one ũũru.+

       5 Ndakombithanagia mbeca ciake nĩguo one maciaro,+

      Na ndamũkagĩra ihaki nĩguo ahinyĩrĩrie mũndũ ũtarĩ na mahĩtia.+

      Mũndũ ũrĩa wĩkaga ũguo ndarĩ hĩndĩ akenyenyeka.*+

  • Thaburi 27:4
    New World Translation in Kikuyu

    •  4 Nĩ harĩ ũndũ ũmwe hoete Jehova

      Na nĩguo ndĩrĩcaragia,

      Atĩ ndũũre nyũmba-inĩ ya Jehova matukũ mothe ma ũtũũro wakwa,+

      Nĩgetha ndĩĩyonagĩre wega wa Jehova

      Na ngeroragĩra hekarũ yake* ndĩ na gĩkeno.*+

  • Thaburi 84:1-4
    New World Translation in Kikuyu

    • 84 Gĩikaro gĩaku kĩrĩa kĩamũre na kĩrĩ riri kaĩ nĩ kĩega-ĩ,*+

      Wee Jehova mũnene wa ita!

       2 Muoyo wakwa wothe nĩ wĩriragĩria,

      O na nĩ njũrĩtwo nĩ hinya nĩ ũndũ wa kwĩrirĩria

      Nja cia Jehova.+

      Ngoro yakwa na mwĩrĩ wakwa cianagĩrĩra Ngai ũrĩa ũtũũraga muoyo ikenete.

       3 O na nyoni nĩ yonaga ũikaro kuo

      Na thũngũrũrũ ĩgaka gĩtara kĩayo,

      Harĩa ĩreragĩra tũcui twayo

      Hakuhĩ na kĩgongona gĩaku kĩnene, wee Jehova mũnene wa ita,

      Mũthamaki wakwa na Ngai wakwa!

       4 Gũkena nĩ arĩa maikaraga nyũmba-inĩ yaku!+

      Nĩ mathiaga na mbere gũkũgooca.+ (Sela)

  • Thaburi 84:10
    New World Translation in Kikuyu

    • 10 Tondũ mũthenya ũmwe nja-inĩ ciaku nĩ mwega gũkĩra mĩthenya ngiri ĩmwe handũ hangĩ o hothe!+

      Niĩ ingĩthuura kũrũgama itonyero-inĩ rĩa nyũmba ya Ngai wakwa

      Handũ ha gũikara hema-inĩ cia waganu.