18 No Aisiraeli matiamatharĩkĩire, tondũ atongoria a kĩrĩndĩ nĩ meehĩtĩte na mwĩhĩtwa harĩ o mbere ya Jehova+ Ngai wa Isiraeli. Nĩ ũndũ ũcio kĩrĩndĩ gĩothe gĩkĩambĩrĩria kũnugunĩra anene acio. 19 Kwoguo atongoria acio othe makĩra kĩrĩndĩ gĩothe atĩrĩ: “Tondũ nĩ twehĩtire na mwĩhĩtwa harĩ o mbere ya Jehova Ngai wa Isiraeli, tũtiĩtĩkĩrĩtio kũmeka ũndũ mũũru. 20 Ũũ nĩguo tũgwĩka: Tũkũreka matũũre muoyo, nĩgetha tũtikone ũũru tondũ wa mwĩhĩtwa ũrĩa twehĩtire harĩ o.”+

34 Thutha ũcio Jefitha agĩkinya mũciĩ gwake Mizipa,+ na rĩrĩ, mũirĩtu wake agĩũka kũmũtũnga akĩinagia manyanga agĩthũngũthaga! Ũcio nowe mwana ũrĩa Jefitha aarĩ nake, aarĩ wa mũmwe. Tiga we, ndaarĩ na mwana ũngĩ wa kahĩĩ kana wa kairĩtu. 35 Rĩrĩa oonire mũirĩtu ũcio wake, agĩtembũra nguo ciake akiuga atĩrĩ: “Wũi mwarĩ wakwa! Nĩ wanjũraga ngoro,* nĩ gũkorũo nĩwe ngũneana. Nĩ ndumũrĩte kanua gakwa harĩ Jehova na ndingĩhota kwĩricũkwo.”+

33 “Ningĩ nĩ mwaiguire atĩ andũ a tene nĩ meerirũo ũũ: ‘Ndũkanehĩte na wage kũhingia,+ ĩndĩ no mũhaka ũhingagĩrie Jehova* mĩĩhĩtwa yaku.’+