6 Nake Ngai ũrĩa wa ma akĩmwĩra atĩrĩ kĩroto-inĩ: “Nĩ njũĩ ũrekire ũndũ ũcio na ngoro theru, na kwoguo ndĩrakũgirĩrĩria ndũkanjĩhĩrie. Nĩkĩo itanareka ũmũhutie.

12 Mũndũ ũrĩa ũkoonania mwĩtĩo na njĩra ya kwaga gũthikĩrĩria mũthĩnjĩri-Ngai ũrĩa ũgaakorũo agĩtungatĩra Jehova Ngai waku kana age gũthikĩrĩria mũtuanĩri ciira, agĩrĩire kũũragwo.+ No mũhaka weherie kĩndũ kĩũru thĩinĩ wa Isiraeli.+

23 nĩ gũkorũo ũremi+ no ũndũ ũmwe na rĩhia rĩa ũragũri,+ na gwĩka maũndũ na mwĩĩro no ũndũ ũmwe na kũhũthĩra hinya wa ũragũri kana ũhoi mĩhianano.* Tondũ nĩ warega kiugo kĩa Jehova,+ nake nĩ arega ũkorũo ũrĩ mũthamaki.”+

7 Nĩ ũndũ ũcio marakara ma Jehova makĩrĩrĩmbũkĩra Uza, na Ngai ũrĩa wa ma akĩmũũragĩra+ o hau nĩ ũndũ wa gĩĩko kĩu eekire gĩtagĩrĩire,+ na agĩkuĩra hau mwena-inĩ wa Ithandũkũ rĩa Ngai ũrĩa wa ma.

16 No rĩrĩ, rĩrĩa aagĩire na hinya, ngoro yake nĩ yetũũgĩririe nginya akĩĩrehera mwanangĩko, na akĩaga wĩhokeku harĩ Jehova Ngai wake na njĩra ya gũtonya thĩinĩ wa hekarũ ya Jehova nĩguo acine ũbumba kĩgongona-inĩ gĩa gũcinĩra ũbumba.+ 17 O hĩndĩ ĩyo, Azaria ũrĩa mũthĩnjĩri-Ngai na athĩnjĩri-Ngai angĩ 80 a Jehova, arĩa maarĩ na ũcamba, magĩtonya makĩmũrũmĩrĩra. 18 Makĩngʼethera Mũthamaki Uzia makĩmwĩra atĩrĩ: “Ti ũndũ mwagĩrĩru harĩ wee Uzia, gũcinĩra Jehova ũbumba!+ Athĩnjĩri-Ngai no o magĩrĩirũo gũcina ũbumba tondũ o nĩ njiarũa cia Haruni,+ iria ciamũrĩtwo. Ehera handũ harĩa hatheru, tondũ nĩ wagĩte kwĩhokeka na gũtirĩ riri ũkwamũkĩra kuuma kũrĩ Jehova Ngai tondũ wa ũndũ ũcio.”