5 Oombire igũrũ na njĩra ya ũũgĩ,*+

Tondũ wendo wake mwĩhokeku ũtũũraga tene na tene.

22 Nĩ harĩ Ũrĩa ũikaraga igũrũ rĩa gĩthiũrũrĩ gĩa thĩ,+

Nao andũ arĩa maikaraga thĩinĩ wayo matariĩ o ta ndaahi.

Igũrũ arĩtambũrũkagia o ta neti,

Na akarĩtambũrũkia o ta hema ya gũikarũo.+

12 Nĩwe Mũũmbi wa thĩ kũgerera hinya wake,

O we wahandire bũrũri ũrĩa ũrĩ maciaro kũgerera ũũgĩ wake+

Na nowe watambũrũkirie igũrũ kũgerera ũtaũku wake.+

13 Rĩrĩa atũma mũgambo wake ũiguĩke,

Maĩ marĩa marĩ igũrũ nĩ marurumaga,+

Na agatũma matu mambate kuuma ituri cia thĩ.+

Atũmaga kũgĩe rũheni hamwe na* mbura,

Na akarehe rũhuho kuuma thitoo-inĩ ciake.+

Mũturi o wothe wa cuma nĩ agaaconorithio nĩ ũndũ wa mũhianano ũcio wa gwacũhio;+

Nĩ gũkorũo mũhianano wake wa cuma* nĩ wa maheeni,

Na mĩhianano ĩyo ndĩkoragwo na roho* thĩinĩ wayo.+

16 Ũcio Igai rĩa Jakubu ndahaana ta indo icio,

Tondũ nĩwe wombire indo ciothe,

Na Isiraeli nĩwe rũthanju rwa igai rĩake.+