• Gũcokerithia Maathani 12:5, 6
    New World Translation in Kikuyu

    • 5 Handũ ha ũguo, caragiai Jehova Ngai wanyu harĩa hothe arĩthuuraga rĩĩtwa rĩake rĩkoragwo ho na handũ hake ha gũikara gatagatĩ-inĩ ka mĩhĩrĩga yanyu yothe, mũgathiaga ho.+ 6 Hau nĩho mũrĩtwaraga magongona manyu ma njino,+ maruta manyu, icunjĩ cianyu cia ikũmi,+ mĩhothi kuuma moko-inĩ manyu,+ magongona manyu ma mĩĩhĩtwa, magongona manyu ma kwĩyendera,+ na marigithathi ma rũũru rwanyu rwa ngʼombe na ma rũũru rwanyu rwa mbũri kana ngʼondu.+

  • 1 Athamaki 9:3
    New World Translation in Kikuyu

    • 3 Jehova akĩmwĩra atĩrĩ: “Nĩ njiguĩte mahoya maku na ihoya rĩaku rĩa gwĩtĩkĩrĩka rĩrĩa ũhoete ũrĩ mbere yakwa. Nĩ nyamũrĩte nyũmba ĩno wakĩte na njĩra ya kũiga rĩĩtwa rĩakwa rĩtũũre kuo,+ namo maitho makwa na ngoro yakwa irĩkoragwo kuo hingo ciothe.+

  • Thaburi 122:kohoro ga gũtaarĩria-9
    New World Translation in Kikuyu

    • Rwĩmbo rwa Arĩa Marambata. Thaburi ya Daudi.

      122 Nĩ ndakenire rĩrĩa maanjĩrire atĩrĩ:

      “Nĩ tũthiĩ nyũmba-inĩ ya Jehova.”+

       2 Na rĩu magũrũ maitũ marũgamĩte

      Thĩinĩ wa ihingo ciaku, wee Jerusalemu.+

       3 Jerusalemu yakĩtwo ta itũũra

      Rĩnyitithanĩtio hamwe o ta arĩ kĩndũ kĩmwe.+

       4 Mĩhĩrĩga nĩ yambatĩte kuo,

      Mĩhĩrĩga ya Ja,*

      Kũringana na kĩririkania kĩrĩa kĩaheirũo Isiraeli,

      Gĩa gũcokagĩria rĩĩtwa rĩa Jehova ngatho.+

       5 Tondũ nĩkuo itĩ cia ũnene cia ciira ciahandirũo,+

      Itĩ cia ũnene cia nyũmba ya Daudi.+

       6 Hoerai Jerusalemu thayũ.+

      Arĩa makwendete, wee itũũra rĩrĩ, marĩkoragwo na ũgitĩri.

       7 Kũrothiĩ na mbere gũkorũo na thayũ thĩinĩ wa njirigo ciaku,*

      Na ũgitĩri thĩinĩ wa nyũmba ciaku iria ndaya na igũrũ irĩ na ũgitĩri.

       8 Nguuga ũũ nĩ ũndũ wa ariũ a ithe witũ na arata akwa:

      “Thĩinĩ waku kũrogĩa na thayũ.”

       9 Nĩ ũndũ wa nyũmba ya Jehova Ngai witũ,+

      Niĩ ndĩrĩkwendagĩra maũndũ mega.