Kũguũrĩrio kwa Johana

2 “Kũrĩ mũraika+ wa kĩũngano kĩrĩa kĩrĩ Efeso+ andĩka atĩrĩ: Maya nĩmo maũndũ marĩa ekuuga ũcio ũnyitĩte njata iria mũgwanja na guoko gwake kwa ũrĩo na ũthiagĩra gatagatĩ-inĩ ka mĩtĩ ĩrĩa mũgwanja ya kũigĩrĩrũo matawa ya thahabu:+ 2 ‘Nĩ njũĩ ciĩko ciaku, na wĩra waku o na ũkirĩrĩria waku, na atĩ ndũkiragĩrĩria andũ oru, na atĩ nĩ ũgeragia arĩa moigaga atĩ nĩ atũmwo,+ no tiguo marĩ, na ũkona nĩ aheenania. 3 Ningĩ nĩ wonanagia ũkirĩrĩria, na wanomĩrĩria nĩ ũndũ wa rĩĩtwa rĩakwa+ na ndũrĩ worũo nĩ hinya.+ 4 O na kũrĩ ũguo, ũndũ ũrĩa ngũgũcuukĩra nĩ ũyũ, atĩ nĩ ũtigĩte wendo ũrĩa warĩ naguo kĩambĩrĩria-inĩ.

5 “‘Nĩ ũndũ ũcio ririkana harĩa uumĩte ũkagwa, na wĩrire+ na wĩke ciĩko iria wekaga kĩambĩrĩria-inĩ. No ũngĩaga gwĩka ũguo-rĩ, nĩ ngũka kũrĩ wee, na njeherie mũtĩ waku wa kũigĩrĩrũo matawa+ handũ haguo, o tiga wĩririre.+ 6 No rĩrĩ, ũrĩ na ũndũ ũyũ mwega: atĩ nĩ ũthũire ciĩko cia gĩkundi kĩa nyamũkano kĩa Nikolai,+ iria o na niĩ thũire. 7 Ũrĩa ũrĩ na gũtũ nĩ aigue ũrĩa roho ũrera ciũngano:+ Ũrĩa ũgũtooria+ nĩ ngaamwĩtĩkĩria arĩe kuumana na mũtĩ wa muoyo,+ ũrĩa ũrĩ thĩinĩ wa paradiso ya Ngai.’

8 “Na kũrĩ mũraika wa kĩũngano kĩrĩa kĩrĩ Simurina andĩka atĩrĩ: Maya nĩmo maũndũ marĩa ekuuga, ‘ũrĩa wa Mbere na wa Mũico,’+ o ũcio wakuire na agĩcoka muoyo:+ 9 ‘Nĩ njũĩ mĩnyamaro na thĩna waku—no ũrĩ gĩtonga+—na irumi iria ũrumagwo nĩ arĩa meĩtaga Ayahudi na tiguo marĩ kũna, ĩndĩ makoragwo marĩ thunagogi ya Shaitani.+ 10 Ndũgetigĩre maũndũ marĩa ũkiriĩ kũnyarirũo namo.+ Atĩrĩrĩ, Mũcukani arĩikaraga agĩikagia amwe anyu njera nĩguo mũgerio biũ, na nĩ mũgũkorũo na mĩnyamaro ihinda rĩa thikũ ikũmi. Ikara ũrĩ mwĩhokeku nginya gĩkuũ, na nĩ ngaakũhe thũmbĩ ya muoyo.+ 11 Ũrĩa ũrĩ na gũtũ nĩ aigue+ ũrĩa roho ũrera ciũngano: Mũndũ ũrĩa ũgũtooria+ ndarĩ ũndũ mũũru ageekwo nĩ gĩkuũ kĩrĩa gĩa kerĩ.’+

12 “Kũrĩ mũraika wa kĩũngano kĩrĩa kĩrĩ Perigamo andĩka atĩrĩ: Maya nĩmo maũndũ marĩa ekuuga ũcio ũrĩ na rũhiũ rwa njora rũraihu na rũũgĩ rũnooretwo mĩena yerĩ:+ 13 ‘Nĩ njũĩ kũrĩa ũtũũraga, ũguo nĩ kuuga, kũrĩa gĩtĩ kĩa ũnene gĩa Shaitani kĩrĩ; ĩndĩ no ũrũmĩtie rĩĩtwa rĩakwa,+ na ndũigana gũkaana wĩtĩkio waku harĩ niĩ+ o na matukũ-inĩ ma Antipasi mũira wakwa mwĩhokeku,+ ũrĩa woragĩirũo+ kũu mũrĩ, o kũu Shaitani atũũraga.

14 “‘No rĩrĩ, ndĩ na maũndũ manini ngũgũcuukĩra, atĩ ũrĩ na andũ kũu marũmagĩrĩra ũrutani wa Balaamu,+ o ũcio warutire Balaki+ kũigĩra ariũ a Isiraeli mũhĩnga, nĩguo marĩe indo irutĩtwo magongona kũrĩ mĩhianano na meingĩrie thĩinĩ wa ngomanio itagĩrĩire.*+ 15 O taguo, ningĩ ũrĩ na andũ kũu marũmagĩrĩra ũrutani wa gĩkundi kĩa nyamũkano kĩa Nikolai.+ 16 Kwoguo wĩrire. Ũngĩaga kwĩrira, nĩ ngũka kũrĩ we o narua, na nĩ ngũrũa nao ngĩhũthĩra rũhiũ rũraihu rũrĩa rũrĩ kanua-inĩ gakwa.+

17 “‘Ũrĩa ũrĩ na gũtũ nĩ aigue ũrĩa roho ũrera ciũngano:+ Mũndũ ũrĩa ũgũtooria+ nĩ ngaamũhe maana mamwe marĩa mahithe,+ na ndĩmũhe kahiga ka rangi mwerũ, na kahiga kau kandĩkĩtwo rĩĩtwa rĩerũ rĩrĩa gũtarĩ mũndũ ũngĩ ũngĩrĩmenya o tiga ũcio ũgaakamũkĩra.’

18 “Kũrĩ mũraika wa kĩũngano kĩrĩa kĩrĩ Thiatira+ andĩka atĩrĩ: Maya nĩmo maũndũ marĩa Mũrũ wa Ngai ekuuga, ũrĩa ũrĩ maitho matariĩ ta rũrĩrĩmbĩ rwa mwaki+ na magũrũ mahaana gĩcango kĩrĩa kĩega:+ 19 ‘Nĩ njũĩ ciĩko ciaku, na wendo na wĩtĩkio na ũtungata na ũkirĩrĩria waku, na atĩ ciĩko ciaku cia thutha-inĩ nĩ ikĩrĩte iria wekire kĩambĩrĩria-inĩ.

20 “‘No rĩrĩ, ũndũ ũyũ nĩguo ngũgũcuukĩra, atĩ nĩ ũkiragĩrĩria mũtumia ũcio wĩtagwo Jezebeli,+ o ũcio wĩĩtaga mũnabii, na arutanaga na akahĩtithia ngombo ciakwa nĩguo ciĩingĩrie thĩinĩ wa ngomanio itagĩrĩire*+ na irĩe indo irutĩtwo magongona kũrĩ mĩhianano. 21 Na nĩ ndamũheire ihinda erire, no ndendaga kwĩrira ciĩko ciake cia ngomanio itagĩrĩire.* 22 Atĩrĩrĩ, ndĩ hakuhĩ kũmũikia gĩtanda-inĩ kĩa mũrimũ, nao arĩa mekaga ũtharia nake ndĩmaikie thĩna-inĩ mũnene, o tiga meririre ciĩko icio ciake. 23 Na nĩ ngũũraga ciana ciake na mũrimũ wa kũrehe gĩkuũ, nĩguo ciũngano ciothe imenye atĩ nĩ niĩ thuthuragia methugunda ma thĩinĩ biũ* o hamwe na ngoro, na inyuĩ nĩ ngaamũrĩha o mũndũ kũringana na ciĩko ciake.+

24 “‘No rĩrĩ, inyuĩ acio angĩ mũrĩ Thiatira, inyuothe arĩa mũtarũmagĩrĩra ũrutani ũcio, o inyuĩ mũtarĩ mwamenya marĩa metagwo “maũndũ marikĩru ma Shaitani,”+ ngũmwĩra atĩrĩ: Ndirĩ mũrigo ũngĩ o na ũmwe ngũmũigĩrĩra. 25 O na kũrĩ ũguo, thiĩi na mbere kũrũmia kĩrĩa mũrĩ nakĩo nginya njũke.+ 26 Na mũndũ ũrĩa ũgũtooria na arũmĩrĩre ciĩko ciakwa nginya mũthia, nĩ ngaamũhe wathani igũrũ rĩa ndũrĩrĩ,+ 27 nake nĩ akaarĩithagia andũ na rũthanju rwa kĩgera+ nĩguo amahehenje tũcunjĩ tũcunjĩ o ta indo cia rĩũmba, o ta ũrĩa nyamũkĩrĩte kuuma kũrĩ Awa. 28 Na nĩ ngaamũhe njata ĩrĩa ya rũcinĩ.+ 29 Ũrĩa ũrĩ na gũtũ nĩ aigue ũrĩa roho ũrera ciũngano.’