Ithomo Rĩa 16

Onania Wendo Waku Harĩ Ngai

Nĩguo ũtũũrie mũrata-rĩ, nĩũbataire kwaragia nake. Ũkamũthikĩrĩria, nake agagũthikĩrĩria. O na ningĩ waragia maũndũ mega makoniĩ mũrata waku kũrĩ andũ arĩa angĩ. No taguo gũtuĩka mũrata wa Ngai. Ta cũũrania ũrĩa Bibilia yugaga igũrũ rĩa ũguo:

Aragia na Jehova kaingĩ kaingĩ mahoya-inĩ. “Rũmanagĩriai kũhoya na kĩyo.”—Aroma 12:12.

Thomaga Kiugo kĩa Ngai, Bibilia. “Ũhoro o wothe wandĩkĩtwo Maandĩko-inĩ nĩwekĩrirũo nĩ Ngai ngoro-inĩ ya mũwandĩki, na wĩ na kĩguni ũhoro-inĩ wa kũrutana, na wa kũmenyithia andũ ũũru wao, na wa kũmakaania.”—2 Timotheo 3:16.

Ruta andũ arĩa angĩ ũhoro ũkoniĩ Ngai. “Nĩ ũndũ ũcio, thiĩi mũgatũme andũ a ndũrĩrĩ ciothe matuĩke arutwo akwa, . . . mũkĩmarutaga kũrũmia maũndũ marĩa mothe ndĩmwathĩte inyuĩ.”—Mathayo 28:19, 20.

Kuhanĩrĩria na arata a Ngai. “Thiaga thiritũ na andũ arĩa ogĩ, nawe no ũgĩe na ũũgĩ.”—Thimo 13:20.

Thiaga mĩcemanio thĩinĩ wa Nyũmba ya Ũthamaki. “Nĩtwĩciragiei ũrĩa tũngĩarahũranaga o mũndũ na ũrĩa ũngĩ, nĩ getha twendanage, na twĩkage ciĩko njega; . . . tũhatanagĩrĩrie.”—Ahibirania 10:24, 25.

Teithĩrĩria gũtwarithia mbere wĩra wa Ũthamaki. “Mũndũ o mũndũ [nĩaheanage] o ta ũrĩa acirĩire gwĩka na ngoro yake, na ndakarute kĩndũ ta egũkĩiguĩra ruo, kana ta arĩ kũringĩrĩrio aringĩrĩirio arute: nĩ gũkorũo Ngai endaga mũndũ ũrĩa ũkũheana akenete.”—2 Akorintho 9:7.