GĨCUNJĨ GĨA 6

Twĩrutaga Atĩa Kuumana na Mũiyũro Ũrĩa Mũnene?

Ngai aaniinire andũ arĩa aganu no akĩhonokia Nuhu na famĩlĩ yake. Kĩambĩrĩria 7:11, 12, 23

Thabina ĩkarera, andũ arĩa aganu magatwarũo nĩ maĩ, nao araika arĩa aremi magatiganĩria mĩĩrĩ yao ya nyama na thakame

Kwoirire mbura kwa ihinda rĩa thikũ 40, ũtukũ na mũthenya, na maĩ makĩiyũra thĩ yothe. Andũ othe aganu magĩkua.

Nuhu na famĩlĩ yake makoima thabina hamwe na nyamũ, na mũkũnga-mbura ũkoimĩra matu-inĩ

Araika arĩa aremi magĩtiganĩria mĩĩrĩ yao ya nyama na thakame na magĩtuĩka ndaimono.

Arĩa maarĩ thĩinĩ wa thabina nĩ maahonokire. O na gũtuĩka thutha-inĩ Nuhu na famĩlĩ yake nĩ maakuire-rĩ, Ngai nĩ akaamariũkia marĩ na kĩĩrĩgĩrĩro gĩa gũtũũra tene na tene.

Ngai nĩ akaaniina o rĩngĩ andũ arĩa aganu na ahonokie arĩa ega. Mathayo 24:37-39

Shaitani na ndaimono ciake mahũthagĩra njĩra itiganĩte kũhĩtithia andũ

Shaitani na ndaimono no mathiaga na mbere kũhĩtithia andũ.

Ũmũthĩ, o ta matukũ ma Nuhu, andũ aingĩ nĩ maregaga ũtongoria wa wendo ũrĩa Jehova aheanaga. Ica ikuhĩ Jehova nĩ ekũniina arĩa othe aganu.—2 Petero 2:5, 6.

Aira a Jehova makĩhũthĩra Bibilia kũhunjĩria mũndũ; mũndũ ũrathoma Bibilia

Andũ amwe matariĩ ta Nuhu. Nĩ mathikagĩrĩria Ngai na mageka ũrĩa oigaga; andũ acio nĩ Aira a Jehova.