GĨCUNJĨ GĨA 5

Mũiyũro Ũrĩa Mũnene —Nĩa Maathikĩrĩirie? Nĩa Mataathikĩrĩirie?

Andũ aingĩ matukũ-inĩ ma Nuhu meekaga maũndũ moru. Kĩambĩrĩria 6:5

Araika oru mehumbĩte mĩĩrĩ ya andũ marĩ na atumia

Adamu na Hawa nĩ maagĩire ciana, na andũ makĩingĩha thĩinĩ wa thĩ. Thutha wa kahinda, araika amwe nĩ maanyitanĩire na Shaitani ũremi-inĩ wake.

Mookire gũkũ thĩ na makĩĩhumba mĩĩrĩ ya andũ nĩgetha mahikie atumia. Atumia acio maaciarire ariũ mataarĩ a ndũire, arĩa mataarĩ tha na maarĩ na hinya.

Mũtumia anyitĩte kaana na akaringwo nĩ kahĩĩ; Anefili, arĩa maarĩ ariũ a araika oru, magĩka maũndũ ma ũhinya

Thĩ ĩkĩiyũrũo nĩ andũ meekaga maũndũ moru. Bibilia yugaga atĩ “waganu wa mũndũ warĩ mũingĩ mũno gũkũ thĩ na atĩ mwerekera wothe wa methugunda ma ngoro yake warĩ mũũru hingo ciothe.”

Nuhu nĩ aathikĩrĩirie Ngai na agĩaka thabina. Kĩambĩrĩria 6:13, 14, 18, 19, 22

Nuhu aarĩ mũndũ mwega. Jehova eerire Nuhu atĩ nĩ ekũniina andũ aganu na mũiyũro mũnene.

Ngai ningĩ nĩ eerire Nuhu aake meri nene, ĩtagwo thabina, na aingĩrie famĩlĩ yake kuo na nyamũ cia mĩthemba yothe.

Nuhu akĩhe andũ mũkaana wĩgiĩ Mũiyũro nao makamũthekerera

Nuhu nĩ aaheire andũ mũkaana wĩgiĩ Mũiyũro ũcio, no matiathikĩrĩirie. Amwe magĩthekerera Nuhu; angĩ makĩmũmena.

Nuhu na famĩlĩ yake magĩcokanĩrĩria nyamũ nĩguo cingĩre thabina

Thabina yarĩka, Nuhu akĩingĩria nyamũ.