Maũndũ Marĩa Marĩ Thĩinĩ wa Gĩcigo gĩa 13

Jesu ookĩte gũkũ thĩ nĩguo arute muoyo wake nĩ ũndũ wa andũ matarĩ akinyanĩru. O na gũtuĩka nĩ aakuire, nĩ aatooririe thĩ. Jehova aarĩ mwĩhokeku harĩ Mũrũ wake, na nĩ ũndũ ũcio nĩ aamũriũkirie. Mbere ya gĩkuũ gĩake, Jesu nĩ aakoretwo agĩtungatĩra andũ arĩa angĩ arĩ na wĩnyihia na nĩ aamohagĩra rĩrĩa maahĩtia. Jesu ariũkio nĩ aaumĩrĩire arutwo. Nĩ aamonereirie ũrĩa mangĩarutire wĩra ũrĩa wa bata mũno aamahete. Angĩkorũo ũrĩ mũciari, teithia mwana waku ataũkĩrũo atĩ o na ithuĩ nĩ tũheetwo wĩra o ta ũcio mahinda-inĩ maya.