RIUMA RĨA WĨRUTI

No tũkũrie na tũtũũrie roho wa gũcokia ngatho tũngĩĩcũranagia ũhoro wa irathimo iria tũrĩ nacio na tũgacokeria Jehova ngatho nĩ ũndũ wa cio. Gũkorũo na ngoro ĩrĩ na ngatho nĩ kũrĩtũteithagia gũtooria roho wa kwaga ngatho na tũkahota kũhiũrania na magerio. Rĩandĩko riitũ rĩa 2015 nĩ rĩrĩtũririkanagia ũndũ ũcio mwaka ũyũ wothe.

Gĩcunjĩ gĩkĩ nĩ kĩonanĩtie wega twagĩrĩirũo nĩ kũririkana gĩkuũ kĩa Jesu nĩkĩ. Nĩ gĩtaarĩirie kĩrĩa kĩrũgamĩrĩirũo nĩ mũgate na ndibei iria ikoragwo kuo hĩndĩ ya Kĩririkano na gĩkonania ũrĩa mũndũ amenyaga kana we nĩ agĩrĩirũo kũrĩa mũgate na kũnyua ndibei. Ningĩ gĩcunjĩ gĩkĩ nĩ gĩgũtũteithia kuona ũrĩa o mũndũ angĩĩhaarĩria nĩ ũndũ wa Irio cia Hwaĩ-inĩ cia Mwathani.

Arĩa marĩ thĩinĩ wa kĩhiko nĩ mahiũranagia na mĩtangĩko na magerio maingĩ. Ĩndĩ, kũgerera ũteithio wa Jehova, no kũhoteke makorũo na kĩhiko kĩrũmu na kĩrĩ na gĩkeno. Gĩcunjĩ kĩa mbere gĩkwarĩrĩria maũndũ matano marĩa mangĩteithia kĩhiko kĩgĩe na hinya na gĩkeno, nakĩo gĩa kerĩ gĩtaarĩrie ũrĩa kĩhiko kĩngĩgĩa na ũgitĩri wa kĩĩroho.

Wendo wa ma gatagatĩ-inĩ ka mũthuri na mũtumia ũtariĩ atĩa? Hihi no kũhoteke makorũo na wendo wa gũtũũra? Wendo ta ũcio wonanagio atĩa? Wĩrute ũrĩa Rũĩmbo rũa Suleimani rũtũrutaga igũrũ rĩgiĩ wendo wa ma na wa gũtũũra.