Tũgaathoma Ibuku, Gĩkeno kĩa Famĩlĩ

Nĩ mũgũkena kũmenya atĩ kwambĩrĩria kiumia kĩa Agosti 20, 2012; hĩndĩ ya Wĩruti wa Bibilia wa Kĩũngano tũgaathoma ibuku, Hitho ya Gĩkeno kĩa Famĩlĩ. Gũtirĩ mũndũ ũkeenda kũũrĩrũo nĩ wĩruti ũcio wa ũtongoria mwega wa Kĩĩmandĩko wĩgiĩ mũtũũrĩre ũrĩ na gĩkeno wa famĩlĩ. Mũtaratara wa kwĩruta nĩ ũgatũteithia gũthuthuria biũ kĩbungo o kĩbungo na Maandĩko mothe ibuku-inĩ rĩu. Kwoguo, nĩ tũgaakoragwo na mahinda ma kũigana gũthoma na kwarĩrĩria maandĩko mothe marĩa monanĩtio hamwe na gũthuthuria wega ũrĩa Maandĩko marĩa mothe mandĩkĩtwo thĩinĩ wa o kĩbungo mangĩhũthĩka.

Ũndũ ũmwe wa bata harĩ wĩruti ũcio nĩ kwarĩrĩria maũndũ marĩa marĩ thĩinĩ wa ithandũkũ rĩrĩa rĩrĩ mũico-inĩ wa o gĩcunjĩ. Nĩ ũndũ ũcio, nĩ hagĩrĩire gũkorũo na mahinda ma kũigana kwarĩrĩria ciũria na maandĩko marĩa marĩ ithandũkũ-inĩ rĩu.

Arĩa matongoragia Wĩruti wa Bibilia wa Kĩũngano marorio maharagĩrie biũ nĩ ũndũ wa wĩruti ũcio na mekĩre othe ngoro, hamwe na arĩa erũ, maharagĩrie wega, matigatĩrage, na marutage macokio mao.