Ũbangĩte Gwĩkaga Atĩa Hĩndĩ ya Thigũkũ?

Tondũ andũ aingĩ matithiaga wĩra hĩndĩ ya thigũkũ cia kĩndini na cia bũrũri, kaingĩ icio ikoragwo irĩ thikũ njega cia gũthiĩ ũtungata-inĩ. Ciũngano nĩ irekĩrũo ngoro cigĩe na mĩbango ya kũhunjagia mĩthenya ta ĩyo. Angĩkorũo andũ aingĩ matiũkĩraga tene mĩthenya ta ĩyo, nĩ wega mũgarũrĩre thaa cia mũcemanio wa gũthiĩ kũhunjia. Hĩndĩ ya Mũcemanio wa Ũtungata, ahunjia no mamenyithio mũbango ũrĩa wĩkĩtwo wa kũhunjia hĩndĩ ya thigũkũ na othe mekĩrũo ngoro makoimĩra. Hatarĩ nganja, mĩthenya ya thigũkũ nĩ ĩtũheaga mĩeke ya kũhurũka kana hihi kũrũmbũiya maũndũ maitũ. No githĩ ti wega kũhũthĩra mahinda mamwe ũtungata-inĩ? Weka ũguo, nĩ ũkũgĩa na gĩkeno kĩrĩa kiumanaga na kũnyitanĩra ũtungata-inĩ mũtheru.​—Mat. 11:29, 30.