Mũtaratara wa Kiumia Kĩa Agosti 11

Rwĩmbo Na. 38 na Mahoya

lv gĩc. 10 kĩb. 16-24 (Ndag. 30)

Ũthomi wa Bibilia: Ndari 7-9 (Ndag. 10)

Na. 1: Ndari 9:9-23 (Ndag. 4 kana nini)

Na. 2: Ngerekano ya Gĩtonga na Lazaro Ndĩonanagia atĩ Andũ nĩ Makaaherithio na Mwaki Tene na Tene—td 12C (Ndag. 5)

Na. 3: No Andũ 144,000 tu Mathiaga Igũrũ—td 13A (Ndag. 5)

Rwĩmbo Na. 16

Ndag. 5: “1914-​2014: Mĩaka Igana Rĩmwe ya Wathani wa Ũthamaki!” Ndeereti hamwe na athikĩrĩria. Mũthome kĩbungo kĩrĩa kĩrĩ hau igũrũ karatathi-inĩ gaka. Icunjĩ cia Mũcemanio wa Ũtungata mweri-inĩ ũyũ ikwarĩrĩria mũno ũhoro wa Ũthamaki. Gweta mĩbango ya kwanyu ĩgiĩ wĩra wa kũhunjia.

Ndag. 10: “Hũthĩra Trakti Ĩrĩa Njerũ ya Web Site.” Arĩrĩria maũndũ marĩa marĩ thĩinĩ wa trakti ĩyo. Gũkorũo na kĩonereria kĩa mũhunjia akĩhe mũndũ trakti ĩyo, agacoka akahũthĩra thimũ, kompiuta, kana kĩndũ kĩngĩ gũteithia ũrĩa arahunjĩria aingĩre thĩinĩ wa jw.org. Kũrĩa ũndũ ũcio ũtangĩhoteka, hũthĩra trakti ya Wee no Wende Kũmenya Ma? Geria kũmenya nĩ kĩũria kĩrĩkũ kĩragucĩrĩria mwene nyũmba thĩinĩ wa iria cionanĩtio trakti-inĩ ĩyo na warĩrĩrie na njĩra nguhĩ macokio ma Bibilia, ũcoke ũgwete kĩrĩa mũkaarĩrĩria wacoka.

Ndag. 15: “Kwagagĩria Ũtungata Witũ​—Kwaragia Ũhoro wa Ũthamaki Tũrĩ na Ũmĩrĩru.” Ndeereti hamwe na athikĩrĩria. Banga ahunjia erĩ makorũo na kĩonereria gĩkĩ: Mũhunjia aarĩte raini nduka-inĩ ĩmwe nene. Nake mũndũ ũmwe mariganĩtie akarora ngathĩti ya mohoro akoiga ũũ: “Ĩno thĩ nĩ ĩthũkire mũno! Andũ othe mareciria atĩ marĩ na kĩhonia, no maũndũ no gũtororokia maratororokia.” Mũhunjia akeyarĩria: ‘Nĩ njagĩrĩirũo kũmwĩra kaũndũ. No mũhaka ndĩmũhunjĩrie ũhoro wa Ũthamaki!’ Mũhunjia ũcio akoiga ũũ: “Nĩ ma kũrĩ na maũndũ maingĩ moru. No ũkuona atĩa ingĩkũhe trakti ĩno? Web site ĩrĩa yarĩrĩirio nĩ trakti ĩno nĩ ĩndeithĩtie kuona macokio ma ciũria nyingĩ iria ithumbũraga andũ ũtũũro-inĩ.” Mũhunjia akaarĩrĩria ũndũ ũmwe kuuma trakti-inĩ ĩyo na mũndũ ũcio agakenio nĩyo.

Rwĩmbo Na. 47 na Mahoya