Geria Mwaka Ũmwe

Kũgeria kĩĩ? Gũtuĩka painia wa hĩndĩ ciothe! Ũngĩgĩa na irathimo nyingĩ mũno!—Thi 10:22.

ŨNGĨTUĨKA PAINIA, NĨ . . .

• ũgũkũria ũhoti wa kũhunjia na ũkenere ũtungata makĩria

• ũgwĩkĩra hinya ũrata waku na Jehova. O ũrĩa ũrĩaragia na arĩa angĩ ũhoro wĩgiĩ Jehova, noguo ũrĩririkanaga ngumo ciake cia kũgegania

• ũkũigua ũiganĩire nĩ ũndũ wa kũiga maũndũ ma Ũthamaki mbere ya maku, na ũgĩe na gĩkeno kĩrĩa kiumanaga na kwĩrutĩra nĩ ũndũ wa andũ arĩa angĩ. —Mat 6:33; Atũ 20:35

• ũkũgĩa na mweke wa gũthiĩ mũcemanio ũrĩa wĩkagwo hĩndĩ ya iceera rĩa mũrori wa mũthiũrũrũko, mũcemanio wa mwanya ũrĩa wĩkagwo hĩndĩ ya kĩgomano kĩa mũthiũrũrũko, na Cukuru ya Ũtungata wa Ũpainia

• ũkũgĩa na mĩeke mĩingĩ ya kwambĩrĩria na gũtongoria wĩruti wa Bibilia

• ũrĩhũthagĩra mahinda maingĩ hamwe na ahunjia arĩa angĩ thĩinĩ wa kĩũngano na ũgakenera gwĩkĩrana ngoro nao.—Ro 1:11, 12