ŨTŨŨRO WA GĨKRISTIANO
Nĩ Mweri Ũrĩkũ Ũngĩenda Gũtuĩka Painia wa Gũteithĩrĩria?
Kĩoneki kĩa Ezekieli kĩgiĩ hekarũ kĩonanagia atĩ andũ a Jehova nĩ mangĩkarutaga magongona na kwĩyendera. Tũngĩnyitanĩra atĩa harĩ kũruta magongona ma kũgooca Jehova?—Ahi 13:15, 16.
Njĩra ĩmwe njega nĩ gũtuĩka painia wa gũteithĩrĩria. Mwaka wa ũtungata wa 2018 ũrĩ na mĩeri ĩigana ũna ĩrĩ na Njuuma ithano kana mĩthenya ya Kiumia ĩtano. Ũndũ ũcio no ũteithie arĩa marutaga wĩra mahinda maingĩ na kaingĩ mahunjagia mũthia-inĩ wa kiumia. Makĩria ma ũguo, ahunjia no mathuure kũhunjia mathaa 30 kana mathaa 50 mĩeri-inĩ ya Machi na Ĩpuro kana mweri ũrĩa megũkorũo maceereirũo nĩ mũrori wa mũthiũrũrũko.
Ĩ angĩkorũo maũndũ maitũ matigũtwĩtĩkĩria tũtuĩke painia wa gũteithĩrĩria? No twĩrutanĩrie kwagagĩria ũtungata witũ, o na kũngĩhoteka tũwongerere. O ũrĩa maũndũ maitũ mangĩkorũo maikaire, reke wendo witũ harĩ Jehova ũtũtindĩke tũmũrutĩre kĩrĩa kĩega biũ thĩinĩ wa mwaka wa ũtungata wa 2018!—Ho 14:2.
Ingĩĩgerekania atĩa na kĩyo gĩa Sabina Hernández?
WĨRORERE VIDEO, NDĨ NA JEHOVA NO HOTE GWĨKA MAŨNDŨ MAINGĨ, ŨCOKE ŨCOKIE CIŨRIA ICI:
Nĩ kĩĩ gĩtindĩkaga Sabina eke maũndũ maingĩ thĩinĩ wa ũtungata wa Jehova?
Kĩonereria gĩa Sabina gĩgwĩkĩraga ngoro atĩa?
Nĩ mweri kana mĩeri ĩrĩkũ thĩinĩ wa mwaka wa ũtungata wa 2018 ũngĩenda gũtuĩka painia wa gũteithĩrĩria?