MŨTHITHŨ KUUMA KIUGO-INĨ KĨA NGAI | 2 JOHANA 1-13; 3 JOHANA 1-14–JUDASI 1-25
No Mũhaka Twĩrutanĩrie Biũ Nĩguo Tũtũũre Ũhoro-inĩ wa Ma
Jesu ooigire ũũ: “Giginyanai mũno nĩguo mũtonyere mũromo ũrĩa mũceke.” (Lu 13:24) Ciugo icio cia Jesu ironania atĩ no mũhaka twĩrutanĩrie na twĩkĩre kĩyo kĩnene nĩguo twĩtĩkĩrĩke nĩ Ngai. Judasi, mũrũ wa nyina na Jesu, nĩ aatongoririo nĩ roho kwandĩka ũndũ ũhaanaine na ũcio. Ooigire ũũ: “Mũrũage mbaara nene ya wĩtĩkio.” Nĩ tũrabatara kĩyo kĩnene nĩguo tũhote gwĩka maũndũ maya:
Kũregana na ngomanio itagĩrĩire.—Jud 6, 7
Gũtĩa arĩa matongoragia.—Jud 8, 9
Gwĩkĩra hinya wĩtĩkio witũ wĩgiĩ morutani ma Gĩkristiano, na nĩmo “wĩtĩkio . . . ũrĩa mũtheru mũno.”—Jud 20, 21