AGOSTI 5-11

MŨTHITHŨ KUUMA KIUGO-INĨ KĨA NGAI

1. ‘Menyithia Rũciaro Rũrĩa Rũroka’ Ũhoro wa Hinya wa Ngai

(Ndag. 10)

Daudi nĩ eeyoneire Jehova akĩmũgitĩra hĩndĩ ĩrĩa aarĩ mwĩthĩ (Thb 71:5; w99 9/1 18 kĩb. 17)

Daudi nĩ oonaga Jehova akĩmũteithia hĩndĩ ĩrĩa aarĩ mũkũrũ (Thb 71:9; g04 10/8 23 kĩb. 3)

Daudi nĩ eekagĩra andũ ethĩ ngoro na njĩra ya kũmataarĩria maũndũ marĩa eeyoneire (Thb 71:17, 18; w14 1/15 23 kĩb. 4-5)

Famĩlĩ ĩrĩa yonanĩtio gĩcunjĩ-inĩ gĩa kiumia kĩhĩtũku kĩrĩ na kĩongo, “Motaaro Mangĩtũteithia Kũgaacĩrithia Hwaĩ-inĩ wa Ũthathaiya wa Famĩlĩ.” Manyitĩte ũgeni mũrũ wa Ithe witũ mũkũrũ na mũtumia wake hĩndĩ ya ũthathaiya wa famĩlĩ, na makamathikĩrĩria makenete makĩmonia mbica na makamataarĩria maũndũ monetwo.

WĨYŨRIE, ‘Nĩ mũndũ ũrĩkũ kĩũngano-inĩ gitũ ũtungatĩire Jehova ihinda iraihu ingĩenda kũhoya ũhoro hĩndĩ ya Ũthathaiya Witũ wa Famĩlĩ?’

2. Kũmaatha Maũndũ ma Bata Maandĩko-inĩ

(Ndag. 10)

Thb 72:8—Kĩĩranĩro kĩrĩa Jehova eerĩire Iburahimu thĩinĩ wa Kĩambĩrĩria 15:18 kĩahingire atĩa hĩndĩ ya wathani wa Mũthamaki Suleimani? (it-1 768)

Macokio maku
Nĩ maũndũ marĩkũ ũronire thĩinĩ wa ũthomi wa Bibilia wa kiumia gĩkĩ ũngĩenda kũgweta?

Macokio maku

3. Ũthomi wa Bibilia

(Ndag. 4) Thb 71:1-24 (th ithomo rĩa 5)

WĨRUTANĨRIE BIŨ ŨTUNGATA-INĨ

4. Kwambĩrĩria Ndeereti

(Ndag. 3) NYŨMBA KWA NYŨMBA. Ũrĩa ũrahunjĩria ambĩrĩria kũrehe ngarari, niina ndeereti na njĩra njega. (lmd ithomo rĩa 4 ũndũ wa 5)

5. Gũcokera Andũ

(Ndag. 4) KŨHUNJIA ŨRĨ MAŨNDŨ-INĨ MA O MŨTHENYA. Twarithia na mbere ndeereti ĩrĩa mwarĩ nayo na mũndũ wa famĩlĩ, no nĩ aretigĩra kwĩruta Bibilia. (lmd ithomo rĩa 8 ũndũ wa 4)

6. Gũtaarĩria Maũndũ Marĩa Wĩtĩkĩtie

(Ndag. 5) Mĩario. ijwfq 49—Kĩongo: Nĩ Kĩĩ Gĩtũmaga Aira a Jehova Macenjie Maũndũ Mamwe Marĩa Metĩkĩtie? (th ithomo rĩa 17)

ŨTŨŨRO WA GĨKRISTIANO

7. Maũndũ Tũngĩka Hĩndĩ ya Ũthathaiya wa Famĩlĩ

(Ndag. 15) Ndeereti hamwe na athikĩrĩria.

Famĩlĩ o ĩyo ĩkuonanĩtio marũgamĩte makĩĩmenyeria rwĩmbo rwa Ũthamaki.

Famĩlĩ ĩyo ĩkĩĩrorera programu ya JW Broadcasting.

Mũirĩtu ũmwe wa famĩlĩ ĩyo akĩaranĩria na nyina makĩĩmenyeria ũndũ mũna hĩndĩ ya Ũthathaiya wa Famĩlĩ.

Hwaĩ-inĩ wa Ũthathaiya wa Famĩlĩ nĩ ihinda rĩega rĩa ciana kwĩruta ‘kũrũngwo na gũtaarũo na njĩra ya Jehova.’ (Ef 6:4) Kwĩruta nĩ kũbataraga kĩyo, no nĩ ihinda rĩngĩkenerũo, makĩria o ũrĩa ciana irathiĩ ikũrĩtie wendi wa kũmenya ma cia Bibilia. (Joh 6:27; 1Pe 2:2) Arĩrĩriai na njĩra nguhĩ gathandũkũ karĩ na kĩongo, “Maũndũ Mangĩkwo Ũthathaiya-inĩ wa Famĩlĩ” karĩa kangĩteithia aciari kuona ũrĩa mangĩtũma Ũthathaiya wa Famĩlĩ ũkorũo ũrĩ wa kũguna famĩlĩ na maũkenere, mũcoke mwarĩrĩrie ciũria ici:

Nĩ ũndũ ũrĩkũ harĩ macio magwetetwo ũngĩenda kũgeria?

Macokio maku
Harĩ ũndũ ũngĩ wonete ũngĩteithia?

Macokio maku

MAŨNDŨ MANGĨKWO ŨTHATHAIYA-INĨ WA FAMĨLĨ

BIBILIA:

Thikĩrĩriai ũthomi wa Bibilia wa o kiumia ũrekondetwo, kana mũthome na mũgambo o mũndũ gacunjĩ gake. O mũndũ thĩinĩ wa famĩlĩ no athome ciugo cia mũndũ ũgwetetwo Bibilia-inĩ
Mũciari no ahaarĩrie ciũria ciumĩte harĩ ũthomi wa Bibilia wa o kiumia. O mũndũ thĩinĩ wa famĩlĩ athuure kĩũria kĩmwe na eke ũthuthuria wakĩo. Mũcoke mũtaarĩrie maũndũ marĩa mũndũ eruta
Ũria kĩũria kana ũtaarĩrie ũndũ mũna ũngĩkĩka, mũcoke mũhũthĩre ibuku rĩa Maandĩko Megiĩ Ũtũũro wa Gĩkristiano gũthuthuria motaaro ma Bibilia marĩa mangĩhũthĩka
Thaakai rũgano rũna rwa Bibilia
Thondekai kandi irĩ na mĩhari ngũrani ya Bibilia o kiumia, ta maandĩko marĩa marĩ thĩinĩ wa ũhoro muongerere wa A thĩinĩ wa broshua ya Enda Andũ Nĩguo Ũmatue Arutwo, mũcoke mũgerie kũiga maandĩko macio meciria-inĩ. No mwarĩrĩrie kandi iria mwathondekire ciumia thiru
Thomai gacunjĩ ka ibuku rĩa Kenera Ũtũũro Tene na Tene!
O mũndũ thĩinĩ wa famĩlĩ no agaĩrũo gĩcunjĩ kĩrĩa ekwarĩrĩria harĩ icunjĩ iria irĩ thĩinĩ wa “Macokio ma Ciũria cia Bibilia” kana “Mĩhari ya Bibilia Ĩtaarĩirio,” rungu rwa kĩongo “MORUTANI MA BIBILIA” thĩinĩ wa jw.org

MĨCEMANIO:

Haarĩriai gacunjĩ ka mũcemanio wa kĩũngano
Haarĩriai na mwĩmenyerie macokio. Ririkanai kũrora ihinda rĩrĩa mũndũ arahũthĩra akĩruta macokio
Mwĩmenyeriei nyĩmbo cia Ũthamaki
Arĩrĩriai na mwĩmenyerie ũrĩa mũngiuga nĩguo mwĩkĩre mũndũ ngoro mbere kana thutha wa mũcemanio ũrĩa ũrũmĩrĩire
Mwĩmenyeriei gĩcunjĩ kĩa arutwo kĩrĩa mũndũ ũmwe famĩlĩ-inĩ yanyu agaĩirũo mũcemanio-inĩ wa gatagatĩ ga kiumia ica ikuhĩ

ŨTUNGATA:

Mwĩhaarĩriei nĩ ũndũ wa ũtungata wa nyũmba kwa nyũmba
Mwĩhaarĩriei nĩ ũndũ wa gũcokera andũ
Tuai mũrahunjia mũrĩ maũndũ-inĩ ma o mũthenya, na mwĩmenyerie ũrĩa mũngĩambĩrĩria ndeereti na njĩra ya ũrata
Arĩrĩriai ũrĩa mũngĩka nĩguo mwandandũre ũtungata wanyu hĩndĩ ya Kĩririkano, hĩndĩ ya rũtha, kana rĩrĩa cukuru ihingĩtwo

MABATARO MA FAMĨLĨ:

Mwĩmenyeriei ũrĩa mũngĩhiũrania na ũndũ mũna umĩrĩte kana ũngiumĩra, ta kwaga kũnyita mbaru maũndũ ma gĩũteti, gũcogothwo, gũtuma ndũgũ cia kĩĩwendo, kana gũkũngũĩra thigũkũ
No mwĩmenyerie ũndũ mũna na njĩra ya aciari gwĩtua ciana nacio ciana igetua aciari. Ciana ciĩke ũthuthuria wa ũndũ ũcio icoke itaarĩrie aciari

MAŨNDŨ MANGĨ:

Mwĩrorerei na mwarĩrĩrie programu ya JW Broadcasting®
Thomai gĩcunjĩ kĩna kana mwĩrorere video kuuma thĩinĩ wa jw.org, mũcoke mwarĩrĩrie
Arĩrĩriai ũndũ mũna kuuma icunjĩ cia “Andũ Ethĩ” kana “Ciana” iria irĩ rungu rwa kĩongo “MORUTANI MA BIBILIA” thĩinĩ wa jw.org
Cokerai maũndũ marĩa mwerutire kĩgomano-inĩ gĩa thikũ ithatũ kana kĩa mũthenya ũmwe
Mwĩrorerei kana mũthuthurie ũndũ mũna wĩgiĩ ũũmbi, mũcoke mwarĩrĩrie maũndũ marĩa ũndũ ũcio ũngĩtũruta igũrũ rĩgiĩ Jehova
Rĩmwe na rĩmwe, nyitagai mũndũ ũgeni ũthathaiya-inĩ wanyu, na mũkamũhoya ũhoro
Mwĩigĩrei mĩoroto ya kĩĩroho, na mwarĩrĩrie ũrĩa mũngĩmĩkinyĩra
Thondekai kĩndũ ta thabina ya Nuhu mwĩ hamwe, kana mwarĩrĩrie mapu, kana mũcoro kuuma mabuku-inĩ maitũ

Thaakai VIDEO ya Thiĩi na Mbere Kwagagĩria Ũthathaiya Wanyu wa Famĩlĩ. Ũcoke ũũrie athikĩrĩria kĩũria gĩkĩ:

Mũthuri angĩka atĩa nĩguo mũtumia wake akenere Ũthathaiya wa Famĩlĩ angĩkorũo famĩlĩ yao ndĩrĩ na ciana?

Macokio maku

8. Wĩruti wa Bibilia wa Kĩũngano

(Ndag. 30) bt gĩc. 13 kĩb. 17-24