DICEMBA 22-28
ISAIA 11-13
Rwĩmbo Na. 14 na Mahoya | Ciugo cia Kwambĩrĩria (Ndag. 1)
1. Bibilia Yugaga Atĩa Igũrũ Rĩgiĩ Mesia Ũrĩa Weranĩirũo?
(Ndag. 10)
Angĩgakorũo arĩ wa rũciaro rwa Jesii kũgerera harĩ mũriũ Daudi (Isa 11:1; ip-1 159 Kĩb. 4-5)
Nĩ angĩgetigĩra Jehova na akorũo na roho wa Ngai (Isa 11:2, 3a; ip-1 159 Kĩb. 6; 160 kĩb. 8)
Angĩgakorũo arĩ mũtuanĩri ciira ũrĩ na ũthingu na kĩhooto (Isa 11:3b-5; ip-1 160 kĩb. 9; 161 kĩb. 11)
ŨNDŨ WA GWĨCŨRANIA: Nĩ kĩĩ gĩtũmaga Jesu akorũo arĩ mũtongoria ũrĩa mwega makĩria gũkĩra mũtongoria ũngĩ o wothe wa gũkũ thĩ?
2. Kũmaatha Maũndũ ma Bata Maandĩko-inĩ
(Ndag. 10)
Isa 11:10—Ũrathi ũyũ ũhingĩtio atĩa? (ip-1 165-166 kĩb. 16-18)
Nĩ maũndũ marĩkũ ũronire thĩinĩ wa ũthomi wa Bibilia wa kiumia gĩkĩ ũngĩenda kũgweta?
3. Ũthomi wa Bibilia
(Ndag. 4) Isa 11:1-12 (th ithomo rĩa 11)
4. Kwambĩrĩria Ndeereti
(Ndag. 3) NYŨMBA KWA NYŨMBA. (lmd ithomo rĩa 2 ũndũ wa 5)
5. Gũcokera Andũ
(Ndag. 4) MAHUNJIO MA KŨNDŨ KWA MŨINGĨ. Hũthĩra jw.org gũcokeria mũndũ kĩũria kĩrĩa oria. (lmd ithomo rĩa 8 ũndũ wa 3)
6. Gũtua Andũ Arutwo
(Ndag. 5) Teithia mũrutwo waku ehaarĩrie kũhunjia hamwe nawe nyũmba kwa nyũmba. (lmd ithomo rĩa 11 ũndũ wa 4)
Rwĩmbo Na. 57
7. Hihi Wee nĩ ‘Ũtuanagĩra na Ũthinguʼ?
(Ndag. 15) Ndeereti hamwe na athikĩrĩria.
O mũthenya nĩ twĩkoraga tũgĩtuĩra andũ, na o na rĩmwe twĩkaga ũguo tũtekũmenya. Kaingĩ, tũtuagĩra andũ kũringana na maũndũ marĩa tũrona. O na kũrĩ ũguo, Jesu, arĩ we kĩonereria gitũ, atuanagĩra na njĩra ngũrani. (Isa 11:3, 4) Jesu nĩ arĩ ũhoti wa gũthoma ngoro, kũmenya mwĩcirĩrie, na mwerekera wa mũndũ. Ithuĩ tũtikoragwo na ũhoti ũcio. O na kũrĩ ũguo, no tũgerie gwĩka ũrĩa wothe tũngĩhota twĩgerekanie na Jesu. Aaugire ũũ: “Tigai gũtuanagĩra na maũndũ marĩa monekaga na maitho, ĩndĩ tuanagĩrai na ũthingu.”—Joh 7:24.
Tũngĩtuĩra andũ kũringana na ũrĩa mahaana, ũndũ ũcio no ũhutie kĩyo gitũ o hamwe na maumĩrĩro maitũ ũtungata-inĩ. Kwa ngerekano-rĩ, hihi nĩ tũritũhagĩrũo kũhunjia gĩcigo kĩrĩ na andũ a ũndũire mũna kana a ndini na? Ĩ gĩcigo kĩrĩa gĩkoragwo na andũ atongu kana athĩni? Hihi nĩ tũtuaga atĩ mũndũ ahota kwaga kũgucĩrĩrio nĩ ndũmĩrĩri itũ kũringana na ũrĩa ahaana? Wendi wa Ngai nĩ “andũ a mĩthemba yothe mahonokio na magĩe na ũmenyo wa ma wĩgiĩ ũhoro wa ma.”—1Ti 2:4.
Thaakai VIDEO ya Maũndũ ma Kwĩruta Kuuma Mũrangĩri-inĩ—Tigai Gũtuanagĩra na Maũndũ Marĩa Monekaga na Maitho. Ũcoke ũũrie athikĩrĩria ciũria ici:
Nĩ mĩthemba ĩrĩkũ ya mũthutũkanio yagwetwo video-inĩ ĩyo?
Tũngĩkorũo na mũthutũkanio harĩ aarĩ na ariũ a ithe witũ-rĩ, ũndũ ũcio ũngĩhutia kĩũngano na njĩra irĩkũ njũru?
Nĩ kĩĩ gĩateithirie Akristiano acio mahoywo ũhoro gwĩthema gũtuagĩra andũ arĩa angĩ kũringana na ũrĩa maroneka mahaana?
Nĩ maũndũ marĩkũ weruta kuumana na gĩcunjĩ kĩu kĩa Mũrangĩri?
8. Wĩruti wa Bibilia wa Kĩũngano
(Ndag. 30) lfb ithomo rĩa 46-47