Haaragĩria Ngoro Yaku

Rĩrĩa tũreruta Bibilia, tũngĩenda maũndũ marĩa tũreruta megiĩ Jehova mahutie ngoro citũ kana ũmũndũ witũ wa na thĩinĩ. Ezara nĩ aatũigĩire kĩonereria kĩega ũndũ-inĩ ũcio, tondũ “nĩ aahaarĩirie ngoro yake nĩguo athuthurie Watho wa Jehova.” (Ezar. 7:10) Tũngĩhaaragĩria ngoro citũ atĩa?

Hoya. Hĩndĩ ciothe rĩrĩa ũreruta, ambagĩrĩria na mahoya. Hoya Jehova agũteithie gũtaũkĩrũo na kũhũthĩra maũndũ marĩa ũkwĩruta.—Thab. 119:​18, 34.

Korũo na wĩnyihia. Ngai nĩ ahithaga andũ etĩi ũhoro ũrĩa wa ma, arĩa mehokaga ũũgĩ wao ene. (Luk. 10:21) Wĩtheme gwĩka ũthuthuria nogetha wĩyonanie ũrĩa ũĩ maũndũ maingĩ. Ũrĩ na wĩnyihia, garũrĩra mwĩcirĩrie waku angĩkorũo ndũratwarana na wa Jehova.

Thikĩrĩria rwĩmbo rwa Ũthamaki. Nyĩmbo nĩ ihutagia ngoro citũ. Kwoguo rĩrĩa twamba gũthikĩrĩria rwĩmbo rwa Ũthamaki tũtaneruta, ũndũ ũcio no ũtũteithie kũhaarĩria ngoro citũ nĩ ũndũ wa maũndũ marĩa tũkwĩruta.