Hihi Aira a Jehova Maumanĩte na Ndini Ĩmwe ya Amerika?

Wabici itũ nene ĩkoragwo Amerika (US). O na kũrĩ ũguo, itũmi ici irũmĩrĩire nĩ ironania atĩ tũtiumanĩte na ndini o yothe ya Amerika:

• Kũrĩ andũ amwe meciragia atĩ Aira a Jehova maaumanire na ndini ĩmwe ya tene, no ũguo tiguo kũrĩ. Kũringana na ithuĩ, nĩ gũcokia twacokirie Ũkristiano ũrĩa warĩ kuo hĩndĩ ya atũmwo.

• Aira a Jehova marutaga wĩra wa kũhunjia thĩinĩ wa mabũrũri makĩria ma 230. Gũtekũmakania kũrĩa tũikaraga, wĩhokeku witũ mũnene ũkoragwo ũrĩ harĩ Jehova Ngai na Jesu Kristo, no ti thirikari ya Amerika kana thirikari ĩngĩ o yothe ya gũkũ thĩ.—Johana 15:19; 17:15, 16.

• Morutani maitũ mothe makoragwo maumĩte Bibilia-inĩ, no ti harĩ mabuku mandĩkĩtwo nĩ mũtongoria mũna wa ndini wa Amerika.—1 Athesalonike 2:13.

• Tũrũmagĩrĩra Jesu Kristo, no ti mũtongoria o wothe wa gũkũ thĩ.—Mathayo 23:8-10.