Ciũngano cia Aira a Jehova Itabanagio Atĩa?

O kĩũngano gĩtabanagio nĩ kĩama gĩa athuri. Ciũngano ta 20 ithondekaga mũthiũrũrũko. Thutha wa ihinda, o kĩũngano nĩ gĩceeragĩrũo nĩ mũthuri, na etagwo mũrori wa mũthiũrũrũko.

Ũtongoria na motaaro ma Kĩĩmaandĩko maheanagwo nĩ athuri a Kĩama Kĩrĩa Gĩtongoragia. Athuri acio makoragwo matungatĩire Jehova kwa ihinda rĩa mĩaka mĩingĩ na marutaga wĩra wabici-inĩ nene ya Aira a Jehova ĩrĩa ĩkoragwo Warwick, New York, Amerika (US).—Atũmwo 15:23-29; 1 Timotheo 3:1-7.