Paradiso Gũkũ Thĩ

Jehova nĩ akeeheria biũ maũndũ marĩa mothe moru Shaitani ekĩte. Jehova nĩ atuĩte Jesu Mũthamaki igũrũ rĩa thĩ yothe. Rungu rwa wathani wake, thĩ yothe nĩ ĩgaatuwo paradiso.—Danieli 7:13, 14; Luka 23:43.

Jehova eranĩire maũndũ maya:

• IRIO NYINGĨ: “Thĩ nĩ ĩkaaruta maciaro mayo; Ngai, o we Ngai witũ, nĩ agaatũrathima.” “Nĩ gũgaakorũo na ngano nyingĩ thĩinĩ wa thĩ; ĩgaakorũo ĩrĩ nyingĩ mũno irĩma igũrũ.”—Thaburi 67:6; 72:16.

• GŨTIGAAKORŨO NA MBAARA RĨNGĨ: “Ũkai mwĩyonere ciĩko cia Jehova, ũrĩa ekĩte maũndũ ma kũgegania thĩinĩ wa thĩ. Aniinaga mbaara kũndũ guothe thĩinĩ wa thĩ.”—Thaburi 46:8, 9.

• GŨTIGAAKORŨO NA ANDŨ ORU: “Nĩ gũkorũo andũ arĩa aganu nĩ makaaniinwo . . . No kahinda kanini gatigaru, na andũ arĩa aganu matigaakorũo kuo rĩngĩ; ũkaarora kũrĩa maakoragwo, na matigaakorũo kuo.”—Thaburi 37:9, 10.

• 

  GŨTIGAAKORŨO NA MĨRIMŨ, KĨEHA, KANA GĨKUŨ: “Hĩndĩ ĩyo maitho ma atumumu nĩ makaahingũrũo, na matũ ma arĩa mataiguaga nĩ makaaigua. Hĩndĩ ĩyo mũndũ ũrĩa ũthuaga akaarũgarũga o ta thwariga, na rũrĩmĩ rwa ũrĩa ũtahotaga kwaria rwanĩrĩre nĩ gũkena.”—Isaia 35:5, 6.

  “Nake Ngai we mwene arĩkoragwo hamwe nao. Na nĩ ekũmagiria maithori mothe mathire maitho-inĩ mao, na gĩkuũ gĩtigaacoka gũkorũo kuo rĩngĩ, o na gũcakaya kana kĩrĩro kana ruo. Maũndũ marĩa ma tene nĩ mathiru.”—Kũguũrĩrio 21:3, 4.

Ngũrani na Shaitani o hamwe na ndaimono, gũtirĩ hingo Jehova aheenanagia. Ũndũ o wothe eranĩire no mũhaka ũhinge. (Luka 1:36, 37) Jehova nĩ akwendete na arenda ũgaatũũra thĩinĩ wa Paradiso ĩrĩa agaathondeka. Kwoguo-rĩ, caria Aira a Jehova nĩgetha wĩrute makĩria ũhoro wa ma cia magegania iria ikoragwo thĩinĩ wa Kiugo kĩa Ngai. Ũngĩhũthĩra ma icio ũtũũro-inĩ waku, ũgũkorũo ũkũũrĩtwo ũkombo-inĩ wa maheeni, maũndũ ma ndaimono, na kwaga ũmenyo. Thutha wa ihinda, o na nĩ ũgaakũũrũo ũkombo-inĩ wa mehia na gĩkuũ. Jesu ooigire ũũ: “Nĩ mũkũmenya ũhoro ũrĩa wa ma, naguo ũhoro ũrĩa wa ma ũmũkũũre ũkombo-inĩ.”—Johana 8:32.