Ithomo Rĩa 8

Thũ Cia Ngai Nĩa?

Thũ ĩrĩa nene mũno ya Ngai nĩ Shaitani Mũcukani. We nĩ kĩũmbe kĩa roho kĩrĩa kĩaremeire Jehova. Shaitani athiaga o na mbere kũrutĩra Ngai mbaara na arehagĩra andũ thĩna mũnene. Shaitani nĩ mũũru mũno. We nĩ mũheenania na mũũragani.—Johana 8:44.

Ciũmbe ingĩ cia kĩĩroho nĩcieohanirie na Shaitani thĩinĩ wa ũremi wake harĩ Ngai. Bibilia ĩciĩtaga ndaimono. O ta Shaitani-rĩ, ndaimono icio nĩ thũ cia andũ. Nĩ ciendete gũtuuria andũ. (Mathayo 9:32, 33; 12:22) Jehova nĩakaaniina Shaitani na ndaimono ciake tene na tene. Marĩ o na kahinda kanyinyi gatigaire ga kũrutĩra andũ thĩna.—Kũguũrĩrio 12:12.

Aakorũo nĩũkwenda gũtuĩka mũrata wa Ngai-rĩ, no mũhaka waage gwĩka ũrĩa Shaitani endaga. Shaitani na ndaimono nĩmathũire Jehova. O nĩ thũ cia Ngai, na mendaga gũgũtua thũ ya Ngai. No mũhaka ũthuure ũrĩa ũkwenda gũkenia—Shaitani kana Jehova. Aakorũo nĩũkwenda muoyo wa tene na tene-rĩ, no mũhaka ũthuure gwĩka wendi wa Ngai. Shaitani nĩ arĩ tiriki na njĩra nyingĩ cia kũheenereria andũ. Andũ aingĩ mũno nĩmaraheenio nĩwe.—Kũguũrĩrio 12:9.