GĨCUNJĨ GĨA 9

Paradiso Ĩgooka Rĩ?

Mathĩna marĩa marĩ thĩinĩ wa thĩ maronania atĩ ica ikuhĩ Ũthamaki wa Ngai nĩ ũkuoya ikinya. Luka 21:10, 11; 2 Timotheo 3:1-5

Mathĩna ma matukũ ma kũrigĩrĩria—ũtunyani, mbaara, mĩrimũ, ng’aragu, kwaga gwathĩkĩra aciari, na mbaara cia mĩciĩ

Bibilia nĩ yarathĩte maũndũ maingĩ marĩa marekĩka ũmũthĩ. Nĩ yoigĩte atĩ andũ nĩ mangĩgatuĩka endi mbeca, matathĩkagĩra aciari, matarĩ tha, na mendete ikeno.

Nĩ kũngĩgakorũo na ithingithia nene, mbaara, ngʼaragu, na wongerereku wa mĩrimũ. Maũndũ macio nĩ marekĩka ũmũthĩ.

Mũira wa Jehova akĩhunjĩria mũndũ ũhoro ũrĩa mwega wa Ũthamaki

Ningĩ Jesu nĩ ooigire atĩ ũhoro ũrĩa mwega wa Ũthamaki nĩ ũngĩkahunjio thĩinĩ wa thĩ yothe.—Mathayo 24:14.

Ũthamaki nĩ ũkaaniina waganu wothe. 2 Petero 3:13

Arĩa aganu makĩniinwo hĩndĩ ya Hari–Magedoni, thutha ũcio Shaitani na ndaimono ciake makaherithio

Ica ikuhĩ Jehova nĩ ekũniina andũ arĩa othe aganu.

Shaitani na ndaimono nĩ makaaherithio.

Jesu aikarĩire gĩtĩ gĩake kĩa ũnene igũrũ na andũ a ndũrĩrĩ itiganĩte makenete

Arĩa mathikagĩrĩria Ngai nĩ makaahonoka na maingĩre thĩinĩ wa thĩ njerũ ĩrĩ na ũthingu, kũrĩa gũtagaakorũo na guoya rĩngĩ, na andũ magaakorũo mehokanĩte na mendanĩte.