GĨCUNJĨ GĨA 13

Twagĩrĩirũo Gwĩka Atĩa Nĩguo Tũkenie Ngai?

Wĩtheme maũndũ moru. 1 Akorintho 6:9, 10

Maũndũ marĩa Ngai athũire—kũiya, kũrĩĩo, kũhũthĩra ndawa cia kũrebia, kũrũa, kũhoya na gũthathaiya mĩhianano

Angĩkorũo nĩ twendete Jehova, tũtingĩka maũndũ marĩa athũire.

Jehova ndendaga tũiye, tũrĩĩo, o na kana tũhũthĩre ndawa cia kũrebia.

Ngai nĩ athũire ũũragani, kũruta nda, na ngomanio ya arume kwa arũme kana ya atumia gwa atumia. Ndendaga tũkorũo tũrĩ akoroku kana tũrũe na andũ arĩa angĩ.

Tũtiagĩrĩirũo kũhoya mĩhianano kana kwĩingĩrania na maũndũ ma ũgo.

Thĩinĩ wa Paradiso ĩrĩa ĩgaakorũo gũkũ thĩ-rĩ, gũtigaakorũo na andũ mekaga maũndũ moru.

Ĩkaga maũndũ mega. Mathayo 7:12

Maũndũ marĩa makenagia Ngai—kuonagia andũ arĩa angĩ wendo, gũkoragwo ũrĩ mwĩhokeku, na kuohanagĩra

Nĩgetha tũkenie Ngai, twagĩrĩirũo kwĩrutanĩria kũhaana take.

Onagia arĩa angĩ wendo na njĩra ya gũkoragwo ũrĩ mũtugi na mũtaana.

Koragwo ũrĩ mwĩhokeku.

Koragwo na tha na ũrĩ muohanĩri.

Ĩraga andũ arĩa angĩ ũhoro wa Jehova na njĩra ciake.—Isaia 43:10.