Ithomo Rĩa 14

Arata a Ngai Nĩmathemaga Maũndũ Moru

Shaitani ageragia andũ nĩguo meke maũndũ moru. Arĩa mekwenda gũtuĩka arata a Ngai mabatiĩ gũthũũra ũrĩa Jehova athũire. (Thaburi 97:10) Haha harĩ na maũndũ mamwe marĩa arata a Ngai mathemaga:

Mehia ma gũkomania. “Ndũkanatharanie.” (Thama 20:14) Gũkomania mbere ya kũhikania o naguo nĩ ũũru.—1 Akorintho 6:18.

Ũrĩu. “Arĩu . . . gũtirĩ ũkagaya ũthamaki wa Ngai.”—1 Akorintho 6:10.

Ũũragani, Kũruta Ihu. “Ndũkanoragane.”—Thama 20:13.

Ũici. “Ndũkanaiye.”—Thama 20:15.

Kũheenania. Jehova nĩathũire “rũrĩmĩ rũa ũrongo.”—Thimo 6:17.

Ũhũthĩri Hinya na Gũcinwo nĩ Marakara. ‘O ũrĩa mwendi ũhũthĩri hinya ngoro ya Jehova nĩĩmũthũire.’ (Thaburi 11:5) “Maũndũ ma kĩĩmwĩrĩ marĩa mekagwo [nĩ hamwe na] . . . marakara.”—Agalatia 5:19, 20.

Gũũtha kamarĩ. “Mũndũ o na ũrĩkũ . . . wa riitho iraya . . . mũtigage gũthiĩ thiritũ [nake].”—1 Akorintho 5:11.

Rũthũũro rwa Kĩĩrũrĩrĩ na Gĩĩkabira. “Endagai andũ arĩa marĩ muku na inyuĩ, na mũhoyagĩre arĩa mamũnyariraga.”—Mathayo 5:43, 44.

Maũndũ marĩa Ngai atwĩraga nĩ ma gũtũguna. Ti ũndũ mũhũthũ hingo ciothe gũthema gwĩka maũndũ moru. Wĩ na ũteithio wa Jehova na wĩ na ũteithio wa Aira ake-rĩ, no ũhote gũthema gwĩka maũndũ marĩa matakenagia Ngai.—Isaia 48:17; Afilipi 4:13; Ahibirania 10:24, 25.