ITHOMO RĨA 12

Kuonania Wendo na Ũcayanĩri

1 Athesalonike 2:7, 8

NA NJĨRA NGUHĨ: Aria na njĩra ĩronania wendo, na wonie athikĩrĩria aku atĩ nĩ ũramarũmbũiya.

Wĩcirie ũhoro wa athikĩrĩria aku. Haarĩria ngoro yaku na njĩra ya kwĩririkania mathĩna marĩa macemanagia namo. Geria kũhũũra mbica ũrĩa maiguaga.
Thuura ciugo ciaku wega. Wĩrutanĩrie gũcanjamũra, kũũmĩrĩria, na gwĩkĩra athikĩrĩria aku hinya. Wĩtheme ciugo ingĩmarakaria hatarĩ gĩtũmi, na ndũkarie na njĩra ĩtarĩ na gĩtĩo kwerekera andũ matarĩ etĩkia kana wĩtĩkio wao.
Onania nĩ ũrakenio nĩo. Onia athikĩrĩria aku atĩ kũna nĩ ũramarũmbũiya kũgerera mũgambo ũronania ũtugi na ciĩko iria ciagĩrĩire cia mwĩrĩ. Reke ũthiũ waku wonanie atĩ ũrĩ mũcanjamũku.

Ndũgetue kana ũkĩrie njano ũkĩenda kuonania ũrĩa ũraigua ngoro-inĩ. Thoma na njĩra ĩratwarana na ũhoro ũrĩa wandĩkĩtwo, no ndũkarie na njĩra ĩgũtũma athikĩrĩria merekerie meciria mao harĩ wee ũrĩa gũtagĩrĩire. Wĩrutanĩrie kwaria na njĩra ĩronania ũtugi na wendo.