GŨTUA ANDŨ ARUTWO
ITHOMO RĨA 10
Kwĩrutanĩria Kũrutana
Ũtaaro: “Twehotorete kũmũhe, to ũhoro ũrĩa mwega wa Ngai ĩndĩ nĩ nginya mĩoyo itũ, nĩ gũkorũo nĩ twamwendire mũno.”—1 Thes. 2:8.
Ũrĩa Jesu Eekire
1. Wĩrorere VIDEO ĩno, kana ũthome Johana 3:1, 2. Ũcoke ũcokie ciũria ici:
Nĩ kĩĩ kĩngĩkorũo gĩatũmire Nikodemo athiĩ kũrĩ Jesu ũtukũ?—Rora Johana 12:42, 43.
Gũkorũo atĩ Jesu aacemanirie na Nikodemo ũtukũ kũronania atĩa atĩ nĩ eerutanagĩria gũtua andũ arutwo?
Tũreruta Atĩa na Jesu?
2. Tuonanagia atĩ nĩ twendete andũ rĩrĩa twerutanĩria kũmateithia gũtuĩka arutwo.
Wĩgerekanie na Jesu
3. Thoma na mũrutwo waku wa Bibilia ihinda rĩrĩa rĩkũmwagĩrĩra na handũ harĩa hekũmwagĩrĩra. No akorũo na mũthenya mũna kana mathaa marĩa angĩenda gũthomaga. Hihi angĩenda gũthomera wĩra-inĩ, gwake mũciĩ, kana handũ ha mũingĩ? Kũngĩhoteka, garũrĩra mũtaratara waku nĩguo mũthomage mathaa marĩa angĩenda na handũ harĩa angĩenda.
4. Thomagai mũtegũtĩrĩria. Angĩkorũo ndũgũkorũo kuo, ndũgatĩrĩrie wĩruti. Handũ ha ũguo, wĩcirie maũndũ maya:
Hihi no mũthome hĩndĩ ĩngĩ kiumia-inĩ kĩu?
Hihi no mũthome na thimũ kana kũgerera video?
Hihi no ũũrie mũhunjia ũngĩ mathome nake?
5. Hoya ũkorũo na muonere ũrĩa wagĩrĩire. Hoya Jehova agũteithie gũthiĩ na mbere kwĩrutanĩria gũthoma na mũrutwo waku, o na angĩkorũo nĩ atĩragĩria kwĩruta kana nĩ araritũhĩrũo kũrũmĩrĩra maũndũ marĩa areruta. (Afil. 2:13) Kwahoteka mũrutwo waku arĩ na ngumo nyingĩ njega; hoya Jehova agũteithie gwĩciragia makĩria ũhoro wacio handũ ha mawathe make.