BIBILIA YUGAGA ATĨA?

Gũthiaga atĩa rĩrĩa twakua?

ANDŨ AMWE METĨKĨTIE atĩ tũthiaga na mbere gũtũũra tũrĩ kĩndũ kĩngĩ, na angĩ makona ta gĩkuũ arĩ kĩo mũthia wa maũndũ mothe. Wee wĩtĩkĩtie atĩa?

ŨRĨA BIBILIA YUGAGA

“Arĩa makuĩte-rĩ, matirĩ ũndũ moĩ.” (Kohelethu 9:5) Rĩrĩa twakua, nĩ gũtiga tũtigaga gũtũũra muoyo.

NĨ ATĨA ŨNGĨ TWĨRUTAGA KUUMA BIBILIA-INĨ?

• Mũndũ wa mbere Adamu aacokire rũkũngũ-inĩ rĩrĩa aakuire. (Kĩambĩrĩria 2:7; 3:19) Ũndũ ũmwe na ũcio, andũ othe makua macokaga tĩri-inĩ kana rũkũngũ-inĩ.​—Kohelethu 3:​19, 20.

• Andũ makua nĩ meheragĩrio, kana makarekerũo mehia mao. (Aroma 6:7) Mũndũ akua ndaherithagio rĩngĩ nĩ ũndũ wa mehia marĩa eekĩte tene.

Hihi arĩa makuĩte no macoke muoyo rĩngĩ?

HIHI ŨNGIUGA ATĨA?

• Ĩĩ

• Aca

• No gũkorũo

ŨRĨA BIBILIA YUGAGA

“Nĩ gũkaariũkio andũ.” ​—Atũmwo 24:15.

NĨ ATĨA ŨNGĨ TŨNGĨĨRUTA KUUMA BIBILIA-INĨ?

• Kaingĩ Bibilia ĩringithanagia gĩkuũ na gũkoma toro. (Johana 11:​11-14) Ngai no okĩrie arĩa makuĩte, o ta ũrĩa na ithuĩ tũngĩũkĩria mũndũ ũrĩ toro. ​—Ayubu 14:​13-15.

• Bibilia nĩ yonanĩtie andũ maigana ũna maariũkirio, na ũndũ ũcio ũgatũma twĩtĩkie biũ atĩ arĩa makuĩte nĩ makaariũkio.​—1 Athamaki 17:17-24; Luka 7:11-17; Johana 11:​39-44.