Rungu rwa Ũthamaki wa Ngai, andũ magatũũra “mekenagĩra tondũ wa kũingĩhĩrũo nĩ thayũ.”—Thaburi 37:11.
Bibilia Yugaga Atĩa?
Hihi Bibilia no ĩgũteithie kũhiũrania na mĩtangĩko?
Hihi ũngiuga atĩa?
Ĩĩ
Aca
No gũkorũo
Ũrĩa Bibilia yugaga
‘Ikagĩriai Ngai mĩtangĩko yanyu yothe, nĩ ũndũ nĩ amũrũmbũyagia.’ (1 Petero 5:7) Bibilia ĩheanaga ũũma wa atĩ Ngai no agũteithie wage kũhootwo nĩ mĩtangĩko.
Nĩ atĩa ũngĩ tũngĩĩruta kuuma Bibilia-inĩ?
Kũgerera mahoya, no ũgĩe na “thayũ wa Ngai,” ũrĩa weheragia mĩtangĩko.—Afilipi 4:6, 7.
Makĩria ma ũguo, gũthoma Kiugo kĩa Ngai no gũgũteithie kũhiũrania na mĩtangĩko. —Mathayo 11:28-30.
Hihi mĩtangĩko nĩ ĩgathira?
Andũ amwe metĩkĩtie . . . atĩ mĩtangĩko nĩ gĩcunjĩ kĩa ũtũũro wa andũ, na angĩ metĩkĩtie atĩ mĩtangĩko no ĩthirire mũndũ oima ũtũũro-inĩ ũyũ. Ũgwĩciria atĩa?
Ũrĩa Bibilia yugaga
Ngai nĩ akeheria maũndũ marĩa marehaga mĩtangĩko. “Gĩkuũ gĩtigacoka gũkorũo kuo rĩngĩ, o na kĩeha kana kĩrĩro kana ruo.”—Kũguũrĩrio 21:4.
Nĩ atĩa ũngĩ tũngĩĩruta kuuma Bibilia-inĩ?
Rungu rwa Ũthamaki wa Ngai, andũ magatũũraga marĩ na thayũ gũtarĩ na ũgwati.—Isaia 32:18.
Mĩtangĩko ĩtarĩ ya o mũhaka nĩ ĩkariganĩra biũ.—Isaia 65:17.