Jehova Aratũmenyeria nĩ Ũndũ wa Wĩra Ũyũ
1. Rĩrĩa Jehova ekũhe mũndũ wĩra-rĩ, nĩ ũndũ ũrĩkũ ũngĩ ekaga?
1 Rĩrĩa Jehova ekuhe andũ wĩra-rĩ, nĩamaheaga ũteithio ũrĩa marabatara nĩguo marute wĩra ũcio. Kwa ngerekano, rĩrĩa Jehova eerire Nuhu aake thabina, ũndũ ũrĩa Nuhu ateekĩte hau kabere, nĩ aamwĩrire ũrĩa ekũmĩaka. (Kĩam. 6:14-16) Rĩrĩa Musa mũrĩithi mũhoreri aaheirũo wĩra wa kwarĩria athuri Aisiraeli na Firauni, Jehova aamwĩrire na ma atĩ: “Nĩngũikara hamwe na kanua gaku, ngũmenyithagie ũhoro ũrĩa ũrĩaragia.” (Tham. 4:12) Wĩra-inĩ witũ wa kũhunjia ũhoro ũrĩa mwega, Jehova ndatũtiganĩirie. Aratũmenyeria kũgerera Cukuru ya Ũtungata wa Gĩtheokrasi na Mũcemanio wa Ũtungata. Tũngĩgunĩka atĩa kuumana na kũmenyerio kũu?
2. Tũngĩgunĩka atĩa kuumana na Cukuru ya Ũtungata wa Gĩtheokrasi?
2 Cukuru ya Ũtungata wa Gĩtheokrasi: Thoma na wĩcirie ũhoro wa o gĩcunjĩ kĩrĩa kĩrĩ mũtaratara-inĩ mbere ya gũthiĩ mĩcemanio. Wona ũrĩa arutwo marahũthĩra ũhoro ũcio thĩinĩ wa mĩario yao, ũmenyo waku wa kũrutana nĩ ũkuongerereka. (Thim. 27:17) Hĩndĩ ciothe nĩ wega gũkuua ibuku rĩaku rĩa Shule ya Huduma rĩrĩa ũgũthiĩ mũcemanio ũyũ na ũrĩhũthĩre. Rĩrĩa mũrori wa cukuru ararĩrĩria gĩcunjĩ kĩrĩa o mũrutwo ekũrutagĩra wĩra thutha wa mĩario yake-rĩ, kururĩra maũndũ marĩa ũkwenda kũhũthĩra, na wandĩke mwena-inĩ. Njĩra ĩrĩa njega mũno ya kũgunĩka kuumana na cukuru ĩyo, nĩ gũkorũo ũrĩ na itemi. Hihi nĩ wĩyandĩkithĩtie? Rĩrĩa waheo mĩario, wĩhaarĩrie wega na ũhũthĩre ũtaaro ũrĩa ũkũheo. Rĩrĩa ũrĩ ũtungata-inĩ, hũthĩra maũndũ marĩa wĩrutĩte.
3. Nĩ kĩĩ kĩngĩtũteithia nĩguo tũgunĩke na Mũcemanio wa Ũtungata?
3 Mũcemanio wa Ũtungata: Tũngĩririkana wega motaaro marĩa mekũheanwo mũcemanio-inĩ ũyũ na njĩra ya gũthoma gĩcunjĩ kĩrĩa tũkwĩruta kabere na kwĩhaarĩria gũcokia ciũria. Angĩkorũo macokio maitũ megũkorũo marĩ makuhĩ, andũ aingĩ nĩ megũkorũo na kamweke ga gũcokia. Thikĩrĩria na kinyi cionereria, na ũhũthĩre ũndũ o wothe ũrĩa ũkuona ta ũngĩagagĩria ũtungata waku. Iga wega tũcunjĩ tũrĩa ũngĩhũthĩra kuuma Ũtungata Witũ wa Ũthamaki nĩguo ũgaatũhũthĩra ihinda rĩũkĩte.
4. Twagĩrĩirũo kũhũthĩra wega maũndũ marĩa tũrarutwo ma gĩtheokrasi nĩkĩ?
4 O ta wĩra ũrĩa Nuhu na Musa maaheetwo, wĩra witũ wa kũhunjia ũhoro ũrĩa mwega thĩinĩ wa thĩ yothe ti mũhũthũ. (Mat. 24:14) No tũtoorie angĩkorũo nĩ tũkwĩhoka Jehova, Mũrutani witũ Mũnene, na tũhũthĩre maũndũ marĩa atũrutaga.—Isa. 30:20.
[Ciũria cia Wĩruti]