Ĩkĩrĩra Kwambĩrĩria Kwĩruta na Andũ Bibilia Njuuma ya Mbere

Kwambĩrĩria Mĩĩ 2011, ahunjia nĩ mooririo merutanĩrie kwambĩrĩria kwĩruta na andũ Bibilia Njuuma ya mbere ya mweri. Nĩguo tũhote gwĩka ũguo, gĩcunjĩ kĩa Mũrangĩri wa riuma rĩa andũ othe kĩrĩ na kĩongo “Macokio ma Ciũria cia Bibilia” nĩ gĩkoretwo gĩkĩhaarĩrio. Nĩ ũndũ ũcio, gĩcunjĩ kĩu kĩagĩrĩire kwarĩrĩrio hĩndĩ ya mũcemanio wa gũthiĩ kũhunjia wa Njuuma ya mbere kuonania njĩra cia kwambĩrĩria kwĩruta Bibilia na andũ. Ningĩ nĩ kwagĩrĩire gũkorũo na kĩonereria gĩa gwĩka ũguo.

Athuri no mabange ikundi cia kũhunjia icemanĩrie kũndũ gũtiganĩte Njuuma ya mbere, kana no matue ikundi ciothe icemanĩrie handũ hamwe, hihi ta thĩinĩ wa Nyũmba ya Ũthamaki. O na kũrĩ ũguo, angĩkorũo ciũngano cigana ũna ihũthagĩra Nyũmba ĩmwe ya Ũthamaki, mũthenya ũcio wa mwanya wa kwambĩrĩria kwĩruta na andũ Bibilia ndwagĩrĩire gũcenjio atĩ nĩguo ikundi cia kũhunjia icemanie hamwe ciothe.