Kwagagĩria Ũtungata Witũ—Kwambĩrĩria Ndeereti Rĩrĩa Ũtarĩ Ũtungata-inĩ

Ũndũ Ũcio nĩ wa Bata Nĩkĩ? Rĩrĩa tũrahunjia nyũmba kwa nyũmba, kaingĩ nĩ twagaga gũkora andũ kwao mĩciĩ. O na kũrĩ ũguo, nĩ tũcemanagia nao hihi ngaari-inĩ, thibitarĩ-inĩ, wĩra-inĩ, cukuru, na kũndũ kũngĩ ta kũu. Nĩ wendi wa Jehova andũ othe magĩe na mweke wa kũigua ũhoro wa Ũthamaki. (1 Tim. 2:3, 4) Kaingĩ, nĩ getha tũmahunjĩrie, no mũhaka twethe mweke wa kwambĩrĩria ndeereti.

Ũrĩa Tũngĩka:

Hũthĩra ũtaũku. Hihi nĩ mũndũ ũroneka arĩ na ũrata na wĩhaarĩirie kwaria? Hihi harĩa mũrĩ nĩ handũ mũngĩhota kwaria? Ahunjia amwe mambaga kũrora mũndũ ũcio na magacanjamũka ũthiũ. Mũndũ ũcio angĩonania atĩ nĩ acanjamũka, mageragia kwambĩrĩria ndeereti nake.
Angĩkorũo nĩ ũraigua guoya wa kwambĩrĩria ndeereti, hoya na ngoro.—Neh. 2:4; Atũm. 4:29.
Ambĩrĩria na kaũndũ kahũthũ, hihi ta kũmũgeithia. Rĩrĩa Jesu aaragia na mũtumia ũrĩa Mũsamaria, ndaambĩrĩirie na kũmũhe ũhoro wa Ũthamaki. (Joh. 4:7) Rĩmwe o na no twambĩrĩrie ndeereti na kũgathĩrĩria mũndũ: “Ciana ciaku ironeka irĩ na mĩtugo mĩega mũno!” Ningĩ no twambĩrĩrie ndeereti na njĩra ya kũũria kĩũria: “Nĩ ũrathikĩrĩirie mohoro ma hwaĩ wa ira?”
Ndeereti yambĩrĩria, etha mweke wa kũmũhunjĩria ũhoro wa Ũthamaki no ndũgakorũo na ihenya rĩa gwĩka ũguo. Reke ndeereti ĩthiĩ na mbere ta arĩ o kwaranĩria mũraranĩria. Gweta kaũndũ kangĩtũma aguucĩrĩrio na ende kũmenya makĩria. Kwa mũhiano, angĩkorũo mũkwaragĩrĩria ũhoro wa famĩlĩ, no uuge: “Ndĩronire kaũndũ kega kangĩtũteithia kegiĩ kũrera ciana.” Angĩkorũo mũrarĩrĩria kaũndũ kararĩ mohoro-inĩ, no uuge: “Njĩrĩga gũthoma kaũndũ kega mũno kangĩcenjia mũtũũrĩre witũ.” Ndũgakue ngoro angĩkorũo nĩ mũgũtigana ũtamũhunjĩirie.
Kuuaga trakti kana mabuku mangĩ marĩa ũngĩhe mũndũ wakenio nĩ ũhoro.

Geria Gwĩka ũũ Mweri-inĩ Ũyũ:

O kiumia geria kwambĩrĩria ndeereti na arĩ na mũndũ ũmwe rĩrĩa ũrĩ mĩhangʼo-inĩ yaku, ũrĩ na muoroto wa kũmũhunjĩria.