Ithandũkũ rĩa Kĩũria

◼ Nĩ rĩ Wagĩrĩire Gũtiga Kwĩruta na Mũrutwo wa Bibilia?

Mũrutwo wa Bibilia angĩtiga gũthiĩ na mbere kĩĩroho, no wambe ũtige kwĩruta nake na njĩra ya ũũgĩ. (Mat. 10:11) Wĩyũrie ciũria ici: Nĩ onekaga mahinda marĩa mwarĩkanĩra nĩguo erute? Nĩ akoragwo ahaarĩirie harĩa mũgũthoma? Nĩ arĩ oka mĩcemanio? Nĩ eraga andũ arĩa angĩ maũndũ marĩa areruta? Nĩ areka mogarũrũku ũtũũro-inĩ wake nĩguo aikare kũringana na motaaro ma Bibilia? O na kũrĩ ũguo, nĩ wagĩrĩire gwĩciria ũhoro wa mĩaka yake na ũhoti wake, tondũ andũ matikũraga kĩĩroho ũndũ ũmwe. Ningĩ ũngĩtiga gũthoma na mũrutwo wa Bibilia, nĩ wega kũreka eyonagĩre atĩ no wende kwĩruta nake rĩngĩ hĩndĩ ĩrĩa yothe angĩenda.—1 Tim. 2:4.