Hihi nĩ Ũkoragwo na Wĩtĩkio Mũrũmu Harĩ Ciĩranĩro cia Jehova?

Joshua na Suleimani nĩ meekĩrire mũkonde atĩ hatirĩ kĩĩranĩro o na kĩmwe kĩa Jehova gĩtaahingire. (Jos 23:14; 1Ath 8:56) Ũira ũcio waheanirũo nĩ aira acio erĩ a kwĩhokeka nĩ ũtũmaga tũgĩe na mũthingi mũrũmu wa gwaka wĩtĩkio witũ.​—2Ko 13:1; Tit 1:2.

Jehova aahingirie ciĩranĩro ciake atĩa matukũ-inĩ ma Joshua? Mwĩrorerei video ‘Hatirĩ Ũndũ o na Ũmwe Ũtaahingire’ mũrĩ famĩlĩ, mũcoke mwarĩrĩrie ciũria ici: (1) Tũngĩĩgerekania atĩa na ciĩko cia wĩtĩkio cia Rahabu? (Ahi 11:31; Jak 2:24-26) (2) Kĩonereria kĩa Akani kĩonanagia atĩa atĩ kũrega gwathĩka kũrehaga mathĩna? (3) Nĩ kĩĩ gĩatũmire Agibeoni maheenie Joshua nĩguo magĩe na thayũ na Isiraeli, o na gũtuĩka maarĩ njamba cia ita? (4) Ciugo cia Jehova ciahingire atĩa rĩrĩa athamaki atano Aamori meendaga gũtharĩkĩra Isiraeli? (Jos 10:5-14) (5) Jehova agũteithĩtie atĩa hĩndĩ ĩrĩa ũkoretwo ũkĩiga Ũthamaki wa Ngai na ũthingu wake mbere ũtũũro-inĩ waku?—Mat 6:33.

Tũngĩĩcũranagia ũhoro wa maũndũ marĩa Jehova aneka, marĩa areka, na marĩa ageka, wĩtĩkio witũ harĩ ciĩranĩro ciake nĩ ũrĩthiaga ũkĩgĩaga hinya.—Ro 8:31, 32.