Kũragia Ngumo Iria Ikenagia Ngai​—Wĩtĩkio

NGUMO ĨYO NĨ YA BATA NĨKĨ?

• Wĩtĩkio nĩ ũbataranagia nĩguo mũndũ ahote gũkenia Ngai.—Ahi 11:6

• Gwĩtĩkia ciĩranĩro cia Ngai nĩ gũtũteithagia gũkirĩrĩria magerio.—1Pe 1:6, 7

• Kwaga wĩtĩkio no gũtũme mũndũ eke mehia.​—Ahi 3:12, 13

ŨRĨA TŨNGĨKŨRIA WĨTĨKIO:

• Hoya ũgĩe na wĩtĩkio makĩria.​—Lu 11:9, 13; Ga 5:22

• Thomaga na ũgecũrania Kiugo kĩa Ngai.​—Ro 10:17; 1Ti 4:15

• Maita maingĩ koragwo hamwe na andũ arĩa marĩ na wĩtĩkio.​—Ro 1:11, 12

WĨRORERE VIDEO, THINGATA MAŨNDŨ MARĨA MEKĨRAGA WĨHOKEKU HINYA​—WĨTĨKIO, ŨCOKE ŨCOKIE CIŨRIA ICI:

• “Wĩtĩkio ũtarĩ na ũhinga” nĩ ũrĩkũ? (1Ti 1:5)

• Nĩ maũndũ marĩkũ twagĩrĩirũo gwĩthema nĩguo tũkũrie wĩtĩkio ũrĩ na hinya?

• Wĩtĩkio ũkabatarania mũno hĩndĩ ya thĩna ũrĩa mũnene nĩkĩ? (Ahi 10:39)