Ũrĩa Tũngĩhũthĩra Video Ciĩgiĩ Wĩruti wa Bibilia

Tũkoragwo na video inya ciĩgiĩ wĩruti wa Bibilia cia kũhũthĩrũo ũtungata-inĩ. O ĩmwe yacio ĩhingagia muoroto ũrĩkũ?

• 

  Video ya Wagĩrĩirũo Kwĩruta Bibilia Nĩkĩ?—Video Yothe yahaarĩirio nĩgetha ĩteithie andũ kwenda kũmenya ũhoro wa Bibilia gũtekũmakania maũndũ marĩa metĩkĩtie. Ĩkĩraga andũ ngoro mathuthurie Bibilia nĩgetha mone macokio ma ciũria cia bata ũtũũro-inĩ, na ĩkaheana ngerekano ya macokio mamwe Bibilia ĩheanaga. Nĩ ĩtaaragĩria ũrĩa mũndũ angĩhoya wĩruti wa Bibilia.

• 

  Video ya Wagĩrĩirũo Kwĩruta Bibilia Nĩkĩ? (video nguhĩ) nĩ ĩhaanaine na ĩyo ndaihu, no nĩ nguhanguhĩ. No ĩhũthĩrũo kũrĩa andũ matakoragwo na ihinda inene rĩa kwaria.

• 

  Video ya Wĩruti wa Bibilia Wĩkagwo Atĩa? yahaarĩirio nĩgetha ĩteithie andũ kũmenya ũhoro wĩgiĩ mũbango witũ wa kwĩruta Bibilia hatarĩ marĩhi, na ĩcokie ciũria imwe ciĩgiĩ mũbango ũcio, ta ũrĩa mũndũ angĩhoya wĩruti wa Bibilia.

• 

  Video ya Ambĩrĩria Kwĩruta Bibilia yahaarĩirio nĩgetha yonagio arutwo a Bibilia. O na gũtuĩka video ĩyo nĩ yonanĩtio karatathi-inĩ ga kerĩ ka ibuku rĩa Kenera Ũtũũro Tene na Tene!, no ũmĩonanie ũkĩĩruta na mũndũ broshua ya Kenera Ũtũũro Tene na Tene! Video ĩyo yaragĩrĩria maũndũ marĩa marĩ ibuku-inĩ rĩu na maũndũ marĩa mũrutwo angĩĩrĩgĩrĩra hĩndĩ ya wĩruti.

O na gũtuĩka o video yahaarĩirio nĩgetha ĩhingie muoroto mũna, no tuonie andũ kana tũmatũmĩre ĩmwe yacio rĩrĩa tuona kwagĩrĩire. Ahunjia nĩ marekĩrũo ngoro mamenye video icio wega na macihũthĩre ũtungata-inĩ.