Gunĩkaga Kuumana na Maandĩko ma Gwathĩrĩra

Maandĩko ma gwathĩrĩra marĩa makoragwo thĩinĩ wa Bibilia ya New World Translation nĩ monanagia atĩ ũhoro ũrĩa ũrĩ Bibilia-inĩ nĩ ũtwaranaga, tondũ makoragwo na mĩhari ĩraheana ũhoro makĩria wĩgiĩ mũhari mũna. Nĩguo ũmenye maandĩko ma gwathĩrĩra ma mũhari ũcio, rora ndemwa nini ĩrĩa ĩrĩ mũthia-inĩ wa kiugo. Angĩkorũo ũrahũthĩra Bibilia njabe, rorithania ndemwa ĩrĩa ĩhaanaine na ĩyo gatagatĩ-inĩ ga karatathi, nĩguo wone maandĩko ma gwathĩrĩra marĩa monanĩtio. Na angĩkorũo ũrahũthĩra jw.org kana JW Library^®, hutia ndemwa ĩyo ĩrĩ mũthia-inĩ wa kiugo nĩguo wone maandĩko ma gwathĩrĩra.

Maandĩko ma gwathĩrĩra no makwerekerie maũndũ-inĩ ta maya:

Mũhari ũngĩ warĩrĩirie ũhoro ũcio: Kwa ngerekano, rora 2 Samueli 24:1 na 1 Maũndũ ma Matukũ ma Tene 21:1.

Ciugo irutĩtwo mũhari-inĩ ũngĩ: Kwa ngerekano, rora Mathayo 4:4 na Gũcokerithia Maathani 8:3.

Ũrathi na ũrĩa ũhingĩte: Kwa ngerekano, rora Mathayo 21:5 na Zekaria 9:9.