2023: Mwaka Ũrarĩ na Mĩtangĩko—Mawoni ma Bibilia nĩ Marĩkũ?

Mwaka-inĩ wa 2023, nĩ kũrekĩkire maũndũ maingĩ thĩinĩ wa thĩ marĩa maronania wega atĩ tũratũũra ihinda-inĩ rĩrĩa Bibilia ĩtaga ‘matukũ ma kũrigĩrĩria.’ (2 Timotheo 3:1) Thoma wone ũrĩa maũndũ marĩa marekĩka maratwarana na marĩa Bibilia yarathĩte mangĩgekĩka mahinda-inĩ maya maitũ.

Ũrĩa Bibilia yugĩte igũrũ rĩgiĩ maũndũ marĩa marekĩka thĩinĩ wa thĩ

“Mbaara na riboti ciĩgiĩ mbaara.”—Mathayo 24:6.

• “Mbaara irathiĩ ciongererekete kũndũ kũingĩ thĩinĩ wa thĩ.”a

“Ithingithia kũndũ na kũndũ.”—Mariko 13:8.

• “Kuuma kĩambĩrĩria-inĩ kĩa mwaka wa 2023, nĩ kũgĩte na ithingithia 13 irĩ na ũritũ ũkĩrĩte wa 7 thĩinĩ wa thĩ, na ũcio nĩguo mũigana ũrĩa mũnene mũno wanoneka wa ithingithia thĩinĩ wa mwaka ũmwe, kuuma rĩrĩa rekondi ciambĩrĩirie kũigwo.”b

“Maũndũ ma kũmakania.”—Luka 21:11.

• “Rĩu thĩ nĩ ĩtigĩte kũhiũha; rĩu nĩ gũtherũka ĩratherũka.”—António Guterres, mwandĩki mũnene wa kĩama kĩa UN.c

“Ngʼaragu.”—Mathayo 24:7.

• “2023: Mwaka ũngĩ ũrarĩ na mĩtangĩko mĩnene harĩ arĩa maritũhagĩrũo kuonera famĩlĩ ciao irio.”d

“Mahinda ma ũgwati maritũ kũhiũrania namo.”—2 Timotheo 3:1.

• “Mũndũ ũmwe harĩ anana thĩinĩ wa thĩ nĩ arahiũrania na mathĩna ma kĩĩmeciria.”e

Nĩ kĩĩ tũngĩĩrĩgĩrĩra mwaka-inĩ wa 2024?

Gũtirĩ mũndũ ũĩ na ma ũrĩa mwaka wa 2024 ũgaakorũo ũhaana. No maũndũ marĩa marekĩka thĩinĩ wa thĩ nĩ maronania atĩ ica ikuhĩ Ũthamaki wa Ngai, kana thirikari ya igũrũ, nĩ ĩgwathana ithenya rĩa thirikari cia gũkũ thĩ na yeherie maũndũ mothe marĩa matũmaga andũ mathĩnĩke na matangĩke.—Danieli 2:44; Kũguũrĩrio 21:4.

Kamũira hĩndĩ ĩyo ĩkinye, rĩrĩa twaigua tũgĩtangĩka, no twĩhoke Ngai atũteithie. Bibilia yugaga ũũ:

“Hĩndĩ ĩrĩa ndaigua guoya, wee nĩwe ndĩhokaga.”—Thaburi 56:3.

Tũngĩonania atĩa atĩ nĩ tũrehoka Ngai? Tũrakũũria wĩrute makĩria igũrũ rĩgiĩ ciĩranĩro cia Bibilia ciĩgiĩ ũtũũro wa ihinda rĩũkĩte ũrĩa ũtagaakorũo na mathĩna. Wĩrute Bibilia hatarĩ marĩhi nĩguo wone ũrĩa wee ma famĩlĩ yaku mũngĩgunĩka kuumana na ciĩranĩro cia Bibilia.