Ũrĩa Ũthamaki wa Ngai Ũgeeka Igũrũ Rĩgiĩ Atongoria Marĩ na Ungumania

Andũ nĩ meriragĩria kũgĩa na atongoria mangĩhokeka, tondũ nĩ manogetio nĩ ateti arĩa makoragwo na ungumania. Kũringana na ũthuthuria ũmwe ũrĩa wekirũo icigo-inĩ itiganĩte thĩinĩ wa thĩ na ũgĩcabithio mwaka-inĩ wa 2023, andũ aingĩ maaugire atĩ harĩ ikundi cia andũ arĩa matangĩhoka, atongoria a gĩũteti nĩo gĩkundi kĩa mbere.a

Bibilia nĩ ĩtaarĩirie ũhoro wa thirikari ĩrĩa ĩgaakorũo na Mũtongoria mwĩhokeku biũ, na ũtarĩ na ungumania o na hanini. Thirikari ĩyo nĩ Ũthamaki wa Ngai na Mũtongoria wayo nĩ Jesu Kristo.—Isaia 9:7.

Kũgerera ciĩko ciake, Jesu nĩ onanĩtie atĩ nĩ arũmbũyagia andũ. (Mathayo 9:35, 36) Arĩ Mũthamaki Ũthamaki wa Ngai, ica ikuhĩ nĩ arĩrehera arĩa othe metĩkagĩra gũtongorio nĩwe kĩhooto na thayũ.—Thaburi 72:12-14.