Hihi Aira a Jehova nĩ Metĩkĩtie Jesu?

Ĩĩ. Nĩ twĩtĩkĩtie Jesu, ũrĩa woigire ũũ: “Nĩ niĩ njĩra, na nĩ niĩ ũhoro-ũrĩa-wa-ma, na nĩ niĩ muoyo; gũtirĩ mũndũ ũkinyaga gwĩ Ithe witũ, atokĩire harĩ niĩ.” (Johana 14:6) Twĩtĩkĩtie atĩ Jesu nĩ oimire igũrũ agĩũka gũkũ thĩ na akĩruta muoyo wake mũkinyanĩru ũrĩ igongona rĩa ũkũũri nĩ ũndũ wa andũ. (Mathayo 20:28) Gĩkuũ na kũriũka gwake nĩ gũtũmaga kũhoteke arĩa mamwĩtĩkĩtie makaagĩa na muoyo wa tene na tene. (Johana 3:16) Ningĩ twĩtĩkĩtie atĩ Jesu nĩ arathana arĩ Mũthamaki wa Ũthamaki wa igũrũ wa Ngai, ũrĩa ica ikuhĩ ũkaarehe thayũ thĩinĩ wa thĩ yothe. (Kũguũrĩrio 11:15) O na kũrĩ ũguo, nĩ twĩtĩkĩtie ũrĩa Jesu we mwene oigire atĩ: “Ithe witũ nĩ mũnene kũrĩ niĩ.” (Johana 14:28) Kwoguo, tũtithathayagia Jesu, o ta ũrĩa tũtetĩkĩtie atĩ nĩwe Ngai Mwene-Hinya-Wothe.